Ғолибони бозиҳои даври шашуми Чемпионати Тоҷикистон оид ба футбол миёни дастаҳои Лигаи олӣ муайян гардиданд

Май 14, 2022 09:46

ДУШАНБЕ, 14.05.2022 /АМИТ «Ховар»/. Шоми 12 май ду бозии дигари даври шашуми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат миёни дастаҳои Лигаи олӣ ҷамъбаст шуд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар бозии марказии даври шашуми Чемпионати Тоҷикистон-2022 дастаи  футболи «Хатлон»-и шаҳри  Бохтар бо дастаи  «Истиқлол»-и шаҳри Душанбе бозӣ кард. Ин вохӯрӣ бо ҳисоби мусовӣ – 1:1 хотима ёфт. Голи якумро дар дақиқаи 5-ум Муҳаммадҷон Насков ба нишон расонид. Дар дақиқаи 86-ум легионери украинии душанбегиҳо Темур Партсвания голи ҷавобӣ зад. Барои  дастаи футболи «Истиқлол»-и шаҳри Душанбе  ин аввалин бозӣ дар мавсими ҷорӣ буд.

Дастаи футболи  «Равшан»-и шаҳри Кӯлоб бо дастаи  «Хуҷанд»-и шаҳри Хуҷанд  (0:0) холҳоро тақсим карданд. Дар охири қисми аввал  дастаи «Равшан» зарбаи ҷаримаи 11-метраро ба нишон расонида натавонист – зарбаи задаи Абдухалил Бороновро дарвозабони «Хуҷанд» Шоҳрух Қирғизбоев баргардонд.

Ёдовар мешавем, ки  бозиҳои даври ҳафтуми Чемпионати Тоҷикистон оид ба футбол миёни дастаҳои Лигаи олӣ 14-15 май баргузор мешаванд. Имрӯз, 14 май – «Равшан»-и  ноҳияи Зафаробод  бо  «Файзканд»-и ноҳияи  Восеъ, КМВА-и  шаҳри Душанбе  бо  «Эсхата»-и шаҳри Хуҷанд, рӯзи якшанбе дастаҳои футболи  «Регар-ТадАЗ»-и шаҳри  Турсунзода  бо  «Хатлон»-и шаҳри Бохтар, «Равшан»-и  шаҳри  Кӯлоб   бо  «Истаравшан»-и шаҳри Истравшан   ва  «Истиқлол»-и шаҳри Душанбе   бо  «Хуҷанд»-и шаҳри  Хуҷанд  вомехӯранд.

Акс: ФФТ

Май 14, 2022 09:46

Хабарҳои дигари ин бахш

ЧЕМПИОНАТИ CAFA-2022. Дастаи мунтахаби наврасони Тоҷикистон дар бозии аввал бар Қирғизистон ғолиб омад
Дар Тоҷикистон Марафони дав ба ифтихори Даҳсолаи байналмилалии амал «Об барои рушди устувор, солҳои 2018-2028» оғоз шуд
ҶОМИ ОСИЁ ОИД БА ДЗЮДО МИЁНИ НАВРАСОН ВА ҶАВОНОН. Паҳлавонони тоҷик соҳиби медалҳои тилло ва биринҷӣ шуданд
Имрӯз дар Дави миллӣ ва марафони велосипедронӣ дар Душанбе зиёда аз 46 500 нафар иштирок карданд
Сармураббии дастаи мунтахаби наврасони Тоҷикистон Зайниддин Раҳимов: «Чемпионати CAFA марҳилаи омодагӣ ба мусобиқаи интихобии Ҷоми Осиё-2023 аст»
АҲСАН! Руҳафзо Ҳақназарова низ чун Шоира Зулқайнарова Чемпионати ҷаҳон оид ба боксро бо ғалаба оғоз намуд
Бахшида ба Рӯзи ҷавонон дар шаҳри Бохтар Дави миллӣ доир мегардад
Имрӯз дар Душанбе Чемпионати CAFA-2022 миёни дастаҳои наврасони то 16-сола оғоз мешавад
15 МАЙ-ДАВИ МИЛЛӢ. Бахшида ба Рӯзи ҷавонони Тоҷикистон дар Душанбе мусобиқаи варзишӣ баргузор мешавад
СУПЕРҶОМИ ТОҶИКИСТОН-2022 ОИД БА ФУТЗАЛ. Бозӣ миёни дастаҳои «Соро компания» ва «Сипар» 14 май дар Душанбе барпо мегардад
ЧЕМПИОНАТИ ТОҶИКИСТОН. Имрӯз «Хуҷанд» бо «Равшан» ва «Хатлон» бо «Истиқлол» рақобат мекунанд
БОКС. Шоира Зулқайнарова чемпионати ҷаҳонро бо ғалаба оғоз намуд

Хабарҳои муҳимтарин