Пагоҳ ҷаласаи Шӯрои вазирони мудофиаи Созмони Аҳдномаи амнияти дастҷамъӣ баргузор мешавад
ДУШАНБЕ, 23.05.2022 /АМИТ «Ховар»/. Пагоҳ, 24 май нишасти Шӯрои вазирони мудофиаи кишварҳои узви Созмони Аҳдномаи амнияти дастҷамъӣ (СААД) баргузор мегардад, ки дар он ҷонибҳо хатару таҳдидҳои амниятиро баррасӣ мекунанд. Тавре АМИТ «Ховар» хабар медиҳад, дар ин бора хадамоти матбуоти СААД иттилоъ додааст.
«24 май таҳти раёсати вазири дифои Ҷумҳурии Арманистон Сурен Папикян ҷаласаи Шӯрои вазирони дифои Созмони Аҳдномаи амнияти дастҷамъӣ дар шакли видео-конфронс баргузор мешавад,-омадааст дар хабар.- Иштирокчиёни ҷаласа хатару таҳдидҳо ба амнияти низомиро дар минтақаҳои амнияти дастҷамъии кишварҳои узви СААД баррасӣ хоҳанд кард».
Тавре дар созмон зикр намуданд, дар кори ҷаласа роҳбарони вазоратҳои мудофиаи Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Русия, Ҷумҳурии Тоҷикистон, дабири кулли СААД Станислав Зас ва сардори Ситоди муштараки СААД, генерал-полковник Анатолий Сидоров иштирок менамоянд. «Зимни ҷаласа баррасии нақшаи омодагии муштараки мақомоти фармондеҳӣ ва ташкили қувваҳою воситаҳои системаи амнияти дастҷамъии Созмони Аҳдномаи амнияти дастҷамъӣ барои соли 2023, лоиҳаи қарорҳои мақомоти оинномавӣ оид ба ташкили муштараки ҳифзи радиатсионӣ, кимиёвию биологӣ ва таъминоти тиббии СААД дар назар аст»,-изҳор доштанд дар хадамоти матбуоти СААД.
Ҳамчунин ҷонибҳо ҳуҷҷатҳо оид ба «такмили фармондеҳӣ ва назорати неруҳо (қувваҳои дастҷамъӣ)-и СААД ва тарҳи қарорҳои Шӯро оид ба муносибатҳои байналмилалӣ дар бораи созмони таҳқиқотии бунёдии кишварҳои узви СААД дар заминаи таҳқиқоти рушди мушкилоти муборизаи радиоэлектронӣ ва ташкилоти асосии таълимию методии тайёр кардани кадрҳои ҳарбӣ аз рӯи ихтисосҳои чангҳои радиоэлектрониро баррасӣ менамоянд».
ДАР АКС: нишасти Шӯрои мудофиаи кишварҳои узви СААД дар Душанбе, 24 апрели соли 2021. Акс: АМИТ «Ховар»
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
