ПАРИЖ-2024: дар намуди бокс 248 варзишгар аз рӯи 13 вазн иштирок мекунанд

Май 1, 2022 11:24

ДУШАНБЕ, 01.05.2022 /АМИТ «Ховар»/. Соли 2024 (26 июл – 11 август) дар Париж – пойтахти Фаронса XXXIII Бозиҳои Олимпиада баргузор мешавад. Ба барномаи бозиҳо 32 намуди варзиш, аз ҷумла бокс ворид гардидааст. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Дар намуди бокс, ки аз рӯи 13 вазн (7 вазн миёни мардҳо ва 6 вазн миёни бонувон) сурат мегирад, ҳамагӣ 248 варзишгар (124 мард, 124 зан) иштирок мекунанд. Аз ҳар кумитаи миллии олимпӣ дар як вазн як нафар имкони гирифтани роҳхат дорад. Иштирокчиёни Бозиҳои олимпии Париж дар намуди бокс бояд дар давраи аз 1 январи соли 1984 то 31 декабри соли 2005 таваллуд шуда бошанд (19 то 40-сола).

Роҳхатҳо ҳам дар асоси радабандии Ассотсиатсияи байналмилалии бокс (IBA), ҳам тариқи мусобиқаҳои интихобӣ тақсим мешаванд.

Дар Чемпионати ҷаҳон оид ба бокс дар соли 2023 46 нафар (20 нафар миёни бонувон ва 20 нафар миёни мардҳо) соҳиби роҳхати олимпӣ мегарданд. 78 роҳхат (42 миёни мардҳо, 36 миёни бонувон) – 6-гонаи аввали ҳар категория тариқи радабандии IBА аз 31 декабри соли 2023 тақсим мешавад. Ҳамчунин, тариқи радабандии IBА, ки 31 марти соли 2024 эълон мегардад, 98 нафар (42 мард, 56 зан) соҳиби роҳхат мешаванд. Ниҳоят 26 роҳхат ба иштирокчиёни финали мусобиқаи интихобии ҷаҳонӣ дар моҳи майи соли 2024 дода хоҳад шуд. Ба кишвари мизбон 7 квота (4 квота миёни мардҳо ва 3 квота миёни бонувон), тариқи комиссияи сеҷониба бошад, 9 квота (4 квота миёни мардҳо, 5 квота миёни бонувон) ҷудо мегардад.

Мусобиқаи бокс дар Бозиҳои олимпии Париж-2024

Қувваозмоӣ – 13

Мардон – 7

Бонувон – 6

Шумораи иштирокчиён

Мардон – 124

Бонувон – 124

Ҳамагӣ – 248

Тақсимоти ҷойҳо:

Роҳхати мустақим – 232

Квота барои кишвари мизбон – 7 (4 миёни мардҳо, 3 миёни бонувон)

Квотаи универсалӣ — 9

Ҳамагӣ – 248

Муҳлати системаи интихобӣ

1 январи соли 2023 – 31 майи соли 2024

Мусобиқаҳои интихобӣ

Чемпионати ҷаҳон оид ба бокс миёни мардҳо ва бонувон, соли 2023

Мусобиқаи ҷаҳонии интихобии олимпӣ оид ба бокс, майи соли 2024

Эълони радабандии IBА

31 декабри соли 2023

31 марти соли 2024

Ёдовар мешавем, ки мусобиқа оид ба бокс бори аввал соли 1904 дар Олимпиадаи Сент Луис баргузор шуд. Ба барномаи Бозиҳои олимпии соли 1912 ворид нагардид, вале аз Олимпиадаи соли 1920 то имрӯз намуди олимпии варзиш аст.

Варзишгарони Тоҷикистон бори аввал соли 1996 дар Бозиҳои олимпии Атланта дар ин намуд ширкат карданд – Хуршед Ҳасанов. Сипас Бозиҳои олимпии солҳои 2000 ва 2004-ро гузашта, дар Бозиҳои олимпии Пекин-2008 се нафар – Шералӣ Достиев, Ҷаҳон Қурбонов ва Анвар Юнусов иштирокчӣ буданд. Дар Бозиҳои олимпии Лондон-2012 бошад, шумораи иштирокчиён аз намуди бокс ба 4 нафар расид – Мавзуна Чориева, Анвар Юнусов, Ҷаҳон Қурбонов ва Собирҷон Назаров. Мавзуна Чориева дар аввалин ширкаташ ба гирифтани медали биринҷии Бозиҳои олимпӣ даст ёфт. Дар Олимпиадаи Рио-2016 Анвар Юнусов ва дар Токио-2020 се нафар – Баҳодур Усмонов, Шаббос Негматуллоев, Сиёвуш Зуҳуров – бокси тоҷикро намояндагӣ карданд.

Мусобиқаи бокс миёни мардҳо аз соли 1904 ва бонувон аз соли 2012 сурат мегирад. Шумораи иштирокчиён ва категорияҳои вазнӣ миёни мардҳо ва бонувон борҳо иваз шудааст.

Соли 1904 дар аввалин мусобиқаи олимпии бокс ҳамагӣ 18 нафар ширкат карданд, ки ҳамагӣ аз ШМА буданд.

АКС: КМО Тоҷикистон

Май 1, 2022 11:24

Хабарҳои дигари ин бахш

ФУТБОЛ. Дастаи олимпии Тоҷикистон (U-23) ба қисми ниҳоии Ҷоми Осиё-2024 омодагӣ мегирад
ҶОМИ ҶАҲОН-2026. Дастаи мунтахаби Тоҷикистон барои анҷоми бозии интихобӣ бо тими Арабистони Саудӣ ба Риёз рафт
ФУТБОЛ. Рустам Соиров ба дастаи «Истиқлол» -и шаҳри Душанбе баргашт
Дастаи мунтахаби Тоҷикистон пас аз ҷамъомади тамринӣ аз Давҳа ба шаҳри Риёз сафар менамояд
Мунира Абдусаломова ба Бозиҳои олимпии Париж-2024 роҳхат гирифт
Тоҷикистонро дар мусобиқаи «Tbilisi Grand Slam-2024» оид ба ҷудо 9 варзишгар муаррифӣ менамояд
ҶОМИ ОСИЁ-2025. Дастаи мунтахаби ҷавонони Тоҷикистон (U-20) дар Арабистони Саудӣ ҷамъомади тамринӣ мегузаронад
ФУТБОЛ. Дастаи мунтахаби наврасони Тоҷикистон (U-17) машғулиятҳои дастҷамъиро дар Туркия шуруъ намуд
Доварони футболи Тоҷикистон ба мавсими нави Лигаи олӣ омодагӣ мебинанд
ҶОМИ ҶАҲОН-2026. Дастаи мунтахаби Тоҷикистон дар шаҳри Давҳа ба бозиҳои интихобӣ омодагӣ мебинад
Намояндагони Тоҷикистон дар мусобиқаи интихобии олимпӣ оид ба таэквондо дар қораи Осиё иштирок менамоянд
Дар Душанбе барои омодагии варзишгарон ба Бозиҳои олимпии Париж-2024 машғулияти омӯзишӣ оғоз гардид