Президенти Ҷумҳурии Тоҷикистон Эмомалӣ Раҳмон Дабири кулли Созмони ҳамкории Шанхай Чжан Минро ба ҳузур пазируфтанд

Май 23, 2022 18:30

ДУШАНБЕ, 23.05.2022. /АМИТ «Ховар»/. 23 май дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Дабири кулли Созмони ҳамкории Шанхай (СҲШ) Чжан Минро ба ҳузур пазируфтанд. Дар ин бора ба АМИТ «Ховар» дар Хадамоти матбуоти Президенти Ҷумҳурии Тоҷикистон хабар доданд.

Дар ҷараёни мулоқот вазъи феълӣ ва дурнамои ҳамкории бисёрҷонибаи давлатҳои аъзои СҲШ ва рафти иҷрои нақшаҳои дар ин ҷода пешбинишуда дар доираи Созмон мавриди баррасӣ қарор дода шуд.

Президенти мамлакат муҳтарам Эмомалӣ Раҳмон аз фаъолияти пурсамари СҲШ давоми 20 сол, ҳамкории кишварҳои аъзо, натиҷаҳои ҷаласаи ҷашнии сарони кишварҳои аъзои Созмон дар Душанбе изҳори қаноатмандӣ карда, ба Чжан Мин Дабири навтаъйини Созмон дар фаъолияти хизматиаш барору комёбӣ орзу намуданд.

Ҷонибҳо оид ба татбиқи амалии Стратегияи рушди СҲШ то соли 2025, Декларатсияи Душанбегии 20-солагӣ ва Барномаи ҳамкории бисёрҷонибаи тиҷоратию иқтисодӣ табодули андеша карданд.

Дар ҷараёни мулоқот масъалаҳои ҳамкорӣ дар соҳаҳои сиёсӣ, робитаҳои тиҷоратию иқтисодӣ, инфрасохтори нақлиётӣ, истифодаи самараноки иқтидори транзитии давлатҳои аъзои СҲШ ва робитаҳои фарҳангию гуманитарӣ муҳокима шуданд.

Ба Нақшаи тадбирҳои аввалиндараҷаи амалӣ оид ба рафъи оқибатҳои иҷтимоию иқтисодӣ, молиявӣ ва озуқавории пандемия дар минтақаи СҲШ, машварати вазирони саноат ва машварати вазирони энергетика, пешниҳоди ҷониби Тоҷикистон оид ба таҳия ва қабули Стратегияи рушди иқтисодии минтақаи СҲШ то соли 2030 таваҷҷуҳ зоҳир гардид.

Дар рафти мулоқот ҳамчунин масъалаҳои амнияти минтақавӣ, ҳамкории муштарак дар муқовимат ба терроризм, экстремизм, таъмини амнияти иттилоотӣ ва мубориза бо ҷиноятҳои киберӣ, ҳамчунин ташаббуси Тоҷикистон дар бораи таъсиси Маркази зидди маводи мухаддири СҲШ дар Душанбе мавриди баррасӣ қарор дода шуд.

Зимни мулоқот ҳамчунин ҷараёни рушди вазъият дар Афғонистон мавриди муҳокима қарор гирифт.

Мулоқот бо Дабири кулли Созмони ҳамкории Шанхай Чжан Мин 23.05.2022

АКС: Хадамоти матбуоти Президенти ҶТ/АМИТ «Ховар»

Май 23, 2022 18:30

Хабарҳои дигари ин бахш

ПАЁМИ ШОДБОШИИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати 25-солагии Рӯзи ваҳдати миллӣ
Пешвои миллат Эмомалӣ Раҳмон роҳбари ширкати «Трафигура Групп» Ҷеремӣ Вейрро ба ҳузур пазируфтанд
Пешвои миллат Эмомалӣ Раҳмон дар ноҳияи Данғара бо роҳбарону фаъолони вилояти Хатлон машварати корӣ доир карданд
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Хатлон
Президенти мамлакат Эмомалӣ Раҳмон дар ноҳияи Данғара коргоҳҳои рангуборкунии матоъ, дӯзандагӣ ва бинои маъмурии ҶДММ «Файзи Карим»-ро ифтитоҳ намуданд
Пешвои миллат Эмомалӣ Раҳмон КВД «Чарми Данғара»-и Агентии таъминоти амволи махсуси назди Ҳукумати Ҷумҳурии Тоҷикистонро ифтитоҳ карданд
Сарвари давлат Эмомалӣ Раҳмон бо рафти ҷамъоварии ҳосили меваю сабзавот ва полезиҳо дар Кооперативи истеҳсолии «Сомонҷон» шинос гардиданд
Президенти мамлакат Эмомалӣ Раҳмон бо ҷараёни дарави ғалла ва кишти такрорӣ дар хоҷаги деҳқонии «Сангалӣ Гулмурод» шинос шуданд
Пешвои миллат Эмомалӣ Раҳмон дар ноҳияи Данғара бинои хобгоҳи донишҷӯёни Донишгоҳи давлатии тиббии Хатлонро ифтитоҳ намуданд
Сарвари давлат Эмомалӣ Раҳмон бо лоиҳаи таъмиру навсозӣ ва мумфаршкунии роҳҳои марказии ноҳияи Дӯстӣ шинос шуданд
Президенти мамлакат Эмомалӣ Раҳмон дар ноҳияи Дӯстӣ ҶДММ «Ганҷи деҳа»-ро мавриди истифода қарор доданд
Пешвои миллат Эмомалӣ Раҳмон бо рафти кишти такрории шолӣ дар хоҷагии деҳқонии «Ашӯрбек-2012»-и ноҳияи Дӯстӣ шинос шуданд