Саъдӣ Каримзода ва Теклу Тесфайе масъалаҳои марбут ба соҳаи кишоварзиро баррасӣ карданд
ДУШАНБЕ, 06.05.2022 /АМИТ «Ховар»/. Рушди соҳаи тухмипарварӣ, ниҳолпарварӣ, таъмини тухмиҳои хушсифати ба маҳал мутобиқу ба иқлим тобовар, таъсиси марказҳои агрологистикӣ, баланд бардоштани рақобатпазирии маҳсулоти соҳаи кишоварзӣ ва дастрасии онҳо ба бозорҳои ҷаҳонӣ, робита миёни истеҳсолкунандагон, коркардкунандагон ва дигар масъалаҳои марбут ба соҳаи кишоварзӣ 4 май зимни мулоқоти Вазири кишоварзии Ҷумҳурии Тоҷикистон Саъдӣ Каримзода бо намояндаи Бонки ҷаҳонӣ Теклу Тесфайе мавриди баррасӣ қарор гирифтанд.
Тавре аз шуъбаи матбуот ва иттилооти Вазорати кишоварзии ҷумҳурӣ ба АМИТ «Ховар» иттилоъ доданд, дар мулоқот ҷонибҳо барои ҳамкорӣ дар доираи лоиҳаи «Баланд бардоштани устувории кишоварзӣ дар Тоҷикистон» изҳори миннатдорӣ намуда, зикр доштанд, ки «лоиҳа ба иҷрои ҳадафҳои Ҳукумати Ҷумҳурии Тоҷикистон ва барномаҳои қабулшуда, аз ҷумла ба татбиқи барномаи ислоҳоти соҳаи кишоварзӣ, консепсияи ташкил ва рушди кластерҳои агросаноатӣ ва дигар барномаҳои соҳавӣ саҳми назаррас мегузорад».
Гуфта шуд, ки 21 июни соли 2021 Созишнома оид ба маблағгузорӣ барои Лоиҳаи «Баланд бардоштани устувории кишоварзӣ дар Тоҷикистон» бо Бонки ҷаҳонӣ ба маблағи грантӣ дар ҳаҷми 58 миллион доллари ИМА барои татбиқ ба имзо расонида шуд. Лоиҳа барои ба тағйирёбиҳо бештар тобовару устувор намудани соҳаи кишоварзӣ, ки асоси иқтисодиёт ва манбаи даромади аҳолии кишвар мебошад, мусоидат карда, дар навбати худ ба суръатбахшию гуногунсозии соҳаи кишоварзӣ, рушди корхонаҳои хусусии хеле хурду миёна дар деҳот ва таъсиси ҷойҳои иловагии корӣ равона гардидааст.
АКС: Вазорати кишоварзии ҶТ
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
