Сафири Тоҷикистон дар Кувайт бо Дабири кулли Муколамаи ҳамкории Осиё мулоқот намуд

Май 18, 2022 11:30

ДУШАНБЕ, 18.05.2022 /АМИТ «Ховар»/. 17 май мулоқоти Сафири Ҷумҳурии Тоҷикистон дар Давлати Кувайт Зубайдулло Зубайдзода бо Дабири кулли Муколамаи ҳамкории Осиё (ACD) Порнчай Данвиватана баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар вохӯрӣ ҷонибҳо роҷеъ ба масоили ҳамкории Тоҷикистон дар доираи Муколамаи ҳамкории Осиё, инчунин дигар мавзӯъҳои мавриди эҳтимоми муштарак табодули назар намуданд.

Ёдовар мешавем, ки Муколамаи ҳамкории Осиё ҳамоиши минтақавии кишварҳои Осиё мебошад, ки ҷонибдорони принсипҳои баробарӣ, эҳтироми мутақобила, ҳамкории мутақобилан судманд ва сиёсати некхоҳонаро бо ҳам гирд меорад.

Кишварҳои узви ин ҳамоиш баҳри барпо намудани Осиёи нав саъю талош менамоянд, ки дар он сулҳи пойдор, субот ва шукуфоӣ ҳукмфармо бошад. Ғояи «Муколамаи ҳамкории Осиё» аз ҷониби Шоҳигарии Таиланд дар ҷаласаи вазирони корҳои хориҷии Ассотсиатсияи давлатҳои Осиёи Ҷанубӣ-Шарқӣ (АСЕАН) моҳи феврали соли 2002 пешниҳод гардида буд. Мақсади асосии он – ба вуҷуд овардани афзори нави ҳамкории байниминтақавӣ буд, ки тавонад мисли пул миёни ҳамоишҳои дигари минтақавии Осиё хизмат кунад ва дар оянда сохтори асосии ҳамкории умумиосиёгӣ бошад.

Дар айни ҳол Муколамаи ҳамкории Осиё 32 кишвари қитъаи Осиё — Афғонистон, Арабистони Саудӣ, Амороти Муттаҳидаи Араб, Бангладеш, Баҳрайн, Бруней-Дорулассалом, Бутан, Ветнам, Ҳиндустон, Индонезия, Камбоҷа, Қазоқистон, Қирғизистон, Корея, Кувайт, Қатар, Русия, Малайзия, Муғулистон, Мянма, Чин, Лаос, Покистон, Сингапур, Тоҷикистон, Таиланд, Шри-Ланка, Уммон, Узбекистон, Филиппин ва Японияро гирди ҳам овардааст.

Ҷумҳурии Тоҷикистон дар ҷаласаи 5-уми вазирони корҳои хориҷии МҲО 5 июни соли 2006 дар Қатар ба узвияти МҲО қабул гардида буд.

Акс: ВКХ ҶТ

Май 18, 2022 11:30

Хабарҳои дигари ин бахш

Дар Котиботи СҲШ бахшида ба Даҳсолаи байналмилалии амал «Об барои рушди устувор, солҳои 2018-2028» брифинг баргузор шуд
Ҳайати Арабистони Саудӣ дар Конфронси дуюми байналмилалии сатҳи баланд дар Душанбе иштирок менамояд
«РӮЗИ ТОҶИКИСТОН». Дар Академияи дипломатии Озарбойҷон таҳти чунин унвон ҳамоиши фарҳангӣ доир гардид
Sputnik: Тоҷикистон ва Узбекистон ният доранд гардиши молро ба 1 миллиард доллар расонанд
Тоҷикистон ва Миср имконияти ба роҳ мондани ҳамкории мустақим миёни бахши хусусии ду кишварро баррасӣ намуданд
Дар Душанбе нишасти тадорукотию ташрифотии Конфронси дуюми оби Душанбе баргузор гардид
Дар Душанбе Вохӯрии машваратии сарони давлатҳои Осиёи Марказӣ баргузор мешавад
Амороти Муттаҳидаи Арабро то интихоб шудани президенти нав сарвазир идора мекунад
Сироҷидин Муҳриддин ва Ҷээнбек Кулубоев масъалаҳои марбут ба таъйини ҳудуд ва аломатгузории сарҳади давлатии Тоҷикистону Қирғизистонро баррасӣ карданд
Дар шаҳри Душанбе ба бунёди бинои нави Сафорати Қазоқистон дар Тоҷикистон санги асос гузошта шуд
Дар Душанбе масъалаҳои муҳимми ҳамкории Тоҷикистон ва Арманистон баррасӣ шуданд
Дар арафаи Конфронси дуюми байналмилалӣ оид ба Даҳсолаи байналмилалии амал «Об барои рушди устувор» дар Анқара ҳамоиш доир шуд