Сармураббии дастаи мунтахаби наврасони Тоҷикистон Зайниддин Раҳимов: «Чемпионати CAFA марҳилаи омодагӣ ба мусобиқаи интихобии Ҷоми Осиё-2023 аст»
ДУШАНБЕ, 13.05.2022. /АМИТ «Ховар»/. Сармураббии дастаи мунтахаби наврасони Тоҷикистон (U-16) Зайниддин Раҳимов дар нишасти хабарии пеш аз мусобиқаи Чемпионати Ассотсиатсияи футболи Осиёи Марказӣ (CAFA), ки имрӯз оғоз мешавад, интизориҳои хешро баён дошт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
«Барои дастаи мунтахаби наврасони Тоҷикистон чемпионати CAFA сеюмин мусобиқаи байналмилалӣ аз аввали сол ба ҳисоб меравад. Моҳи феврал мо дар Ҷоми рушд дар Минск ширкат кардем ва як рӯз пеш аз Скопйе баргаштем, ки онҷо дар доираи мусобиқаи рушди УЕФА се бозӣ анҷом додем», — тазаккур дод ӯ.
Ба андешаи мавсуф, дар чорчӯби Чемпионати Ассотсиатсияи футболи Осиёи Марказӣ дастаи наврасони Тоҷикистон чор бозӣ мегузаронад.
«Ин мусобиқа яке аз давраҳои муҳими омодагӣ ба марҳилаи интихобии Ҷоми Осиё-2023, ки моҳи октябр баргузор мешавад, ба ҳисоб меравад. Мо аз натиҷа вобаста нахоҳем буд, аз як бозӣ ба бозии дигар омодагӣ мегирем», — таъкид намуд Зайниддин Раҳимов.
Дар нишасти хабарии пеш аз мусобиқаи чемпионати CAFA-2022, ки дирӯз дар шаҳри Душанбе баргузор шуд, сармураббиёни дастаҳои наврасони Афғонистон, Эрон, Қирғизистон ва Узбекистон низ ба саволҳои намояндагони ВАО ҷавоб доданд.
Ёдовар мешавем, ки дар CAFA-2022 дастпарварони Зайниддин Раҳимов бо дастаҳои Қирғизистон, Афғонистон, Узбекистон ва Эрон неру месанҷанд.
Акс: ФФТ
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
