СУПЕРҶОМИ ТОҶИКИСТОН-2022. Имрӯз бозии «Истиқлол» ва «Хуҷанд» барои дарёфти Ҷом баргузор мегардад
ДУШАНБЕ, 08.05.2022 /АМИТ «Ховар»/. Имрӯз, 8 май, дар варзишгоҳи «ТАЛКО-Арена»-и шаҳри Турсунзода бозии Суперҷоми Тоҷикистон-2022 бо иштироки Чемпиони Тоҷикистон — дастаи футболи «Истиқлол»-и шаҳри Душанбе ва барандаи нишонҳои нуқраи Чемпионати Тоҷикистон — дастаи «Хуҷанд»-и шаҳри Хуҷанд баргузор мешавад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Ин сенздаҳумин Суперҷоми Тоҷикистон хоҳад буд. Суперҷоми кишвар аз соли 2010 баргузор мешавад. Барандаи даҳкаратаи ҷом «Истиқлол»-и Душанбе аст, ки солҳои 2010, 2011, 2012, 2014, 2015, 2016, 2018, 2019, 2020 ва 2021 соҳиби ҷоиза шуда буд. Суперҷоми соли 2013 насиби дастаи «Равшан»-и Кӯлоб ва соли 2017 «Ҳосилот»-и Фархор гардид.
Қаблан «Хуҷанд» дар бозиҳо барои Суперҷоми Тоҷикистон бо «Истиқлол» чаҳор бор вохӯрда, дар ҳамаи бозиҳо ноком шуда буд.
«Натиҷаҳои ҳамаи бозиҳои Суперҷоми Тоҷикистон (2010-2021):
- «Вахш» (Қӯрғонтеппа) – «Истиқлол» (Душанбе) – 0:2
- «Истиқлол» (Душанбе) – «Регар-ТадАЗ» (Турсунзода) – 1:0
- «Истиқлол» (Душанбе) – «Регар-ТадАЗ» (Турсунзода) – 2:1
- «Равшан» (Кӯлоб) – «Регар-ТадАЗ» (Турсунзода) – 2:1
- «Равшан» (Кӯлоб) – «Истиқлол» (Душанбе) – 0:5
- «Истиқлол» (Душанбе) – «Хайр» (Ваҳдат) – 2:2. (пен.4:3)
- «Истиқлол» (Душанбе) – «Хуҷанд» (Хуҷанд) – 3:2
- «Истиқлол» (Душанбе) – «Ҳосилот» (Фархор) – 1:2
- «Истиқлол» (Душанбе) – «Хуҷанд» (Хуҷанд) – 3:2
- «Истиқлол» (Душанбе) – «Хуҷанд» (Хуҷанд) – 3:0
- «Истиқлол» (Душанбе) – «Хуҷанд» (Хуҷанд) – 2:1
- «Истиқлол» (Душанбе) – «Равшан» (Кӯлоб) – 2:0
- «Истиқлол» (Душанбе) – «Хуҷанд» (Хуҷанд) — ?
Акс: ФФТ
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
Ҳайати васеи дастаи мунтахаби Тоҷикистон барои бозиҳои дӯстонаи моҳи июн эълон гардид
РӮЗИ ҶАВОНОН. Дар Москва бо варзишгарони тоҷик, аз ҷумла варзишгарони параолимпӣ вохӯрӣ баргузор гардид
Мадина Қурбонзода: «Бо роҳнамоиҳои Пешвои миллат тавонистам дар мусобиқоти сатҳи баланд Парчами давлатиро парафшон созам»
Бахшида ба Рӯзи ҷаҳонии футбол дар Кӯлоб барномаи бошукуҳи варзишию фарҳангӣ доир шуд
