СУПЕРҶОМИ ТОҶИКИСТОН-2022. «Истиқлол» маротибаи 11-ум барандаи он гардид

Май 10, 2022 08:23

ДУШАНБЕ, 10.05.2022 /АМИТ «Ховар»/. 8 май дар варзишгоҳи «Талко Арена»-и шаҳри Турсунзода дар ҳузури 5600 нафар тамошобин мусобиқоти 13-уми Суперҷоми Тоҷикистон -2022  миёни дастаҳои футболи «Истиқлол»-и шаҳри Душанбе  ва Хуҷанд»-и шаҳри Хуҷанд  баргузор гардид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дастаҳои футболи «Истиқлол»-и шаҳри Душанбе  ва Хуҷанд»-и шаҳри Хуҷанд  барои ба даст овардани Суперҷоми кишвар бозии арзанда ва ҷолиб нишон доданд. Футболбозони ҳарду даста  имкони зиёди кушодани ҳисоби бозиро доштанд, лек аз он на он қадар самаранок истифода бурда тавонистанд. Баъди ба майдон баромадани Рустам Соиров бозии дастаи «Истиқлол» ранги дигар гирифту онҳо дар дақиқаи 84-уми бозӣ тавонистанд ба задани гол даст ёбанд.  Дар идомаи вохӯрӣ дастпарварони Рустам Хоҷаев кӯшиши баробар кардани ҳисоби бозиро карданд, лек ҳама бенатиҷа анҷом ёфт. Бо ҳамин натиҷаи минималии 1 бар 0  дастаи футболи «Истиқлол»-и шаҳри Душанбе  ба муқобили дастаи  «Хуҷанд»-и шаҳри Хуҷанд  зафар ёфта, маротибаи 11-ум барандаи Суперҷоми Тоҷикистон гардид.

Бояд гуфт, ки  дастаҳои футболи  «Истиқлол»-и шаҳри Душанбе  ва Хуҷанд»-и шаҳри Хуҷанд  бори панҷум барои Суперҷом миёни ҳам мубориза бурданд. Дар чаҳор бозии пешин (солҳои 2016, 2018, 2019 ва 2020) дастаи футболи  «Истиқлол»-и шаҳри Душанбе  пирӯз шуда буд.

Мавриди зикр аст, ки Суперҷоми Тоҷикистон аз соли 2010 бори сездаҳум барпо мегардад. Дар ин муддат ҳамагӣ се даста Ҷоми олиро соҳиб шудаанд. «Истиқлол»-и шаҳри Душанбе   ёздаҳ  бор (2010, 2011, 2012, 2014, 2015, 2016, 2018, 2019, 2020, 2021 ва 2022) барандаи Ҷоми олӣ гардидааст. Дастаҳои футболи  «Равшан»-и шаҳри  Кӯлоб  (2013) ва «Ҳосилот»-и ноҳияи  Фархор (2017) якборӣ Суперҷом ба даст овардаанд.

Ёдовар мешавем, ки  соли гузашта дар бозӣ барои Суперҷоми Тоҷикистон дастаи  футболи  «Истиқлол»-и шаҳри Душанбе   бар дастаи  «Равшан»-и шаҳри  Кӯлоб бо ҳисоби 2:0 ғолиб омада буд.

Ҳама бозиҳо барои Суперҷоми Тоҷикистон (2010-2022):

2010 – «Вахш» (Қӯрғонтеппа) – «Истиқлол» (Душанбе) – 0:2

2011 – «Истиқлол» (Душанбе) – «Регар-ТадАЗ» (Турсунзода) – 1:0

2012 – «Истиқлол» (Душанбе) – «Регар-ТадАЗ» (Турсунзода) – 2:1

2013 – «Равшан» (Кӯлоб) – «Регар-ТадАЗ» (Турсунзода) – 2:1

2014 – «Равшан» (Кӯлоб) – «Истиқлол» (Душанбе) – 0:5

2015 – «Истиқлол» (Душанбе) – «Хайр» (Ваҳдат) – 2:2. Аз рӯйи силсилаи пеналтӣ – 4:3

2016 – «Истиқлол» (Душанбе) – «Хуҷанд» (Хуҷанд) – 3:2

2017 – «Истиқлол» (Душанбе) – «Ҳосилот» (Фархор) – 1:2

2018 – «Истиқлол» (Душанбе) – «Хуҷанд» (Хуҷанд) – 3:2

2019 – «Истиқлол» (Душанбе) – «Хуҷанд» (Хуҷанд) – 3:0

2020 – «Истиқлол» (Душанбе) – «Хуҷанд» (Хуҷанд) – 2:1

2021 – «Истиқлол» (Душанбе) – «Равшан» (Кӯлоб) – 2:0

2022 – «Истиқлол» (Душанбе) – «Хуҷанд» (Хуҷанд) – 1:0

Акс: ФФТ

Май 10, 2022 08:23

Хабарҳои дигари ин бахш

ҶОМИ КФО-2022. «Хуҷанд» дар финали минтақаи марказӣ бо «Суғдиёна» бозӣ мекунад
РОҲИ САФЕД! Варзишгари тоҷик барои иштирок дар Чемпионати ҷаҳон ба Амрико меравад
Ташкилоти ҷамъиятии «Олимпичиёни Тоҷикистон» таъсис ёфт
Аввалин тоҷики муқими Русия сазовори унвони довари дзюдои дараҷаи умумирусиягӣ гардид
Ғолибони шоҳҷоизаҳои Мусобиқаи ҷумҳуриявӣ оид ба гӯштини миллӣ барои дарёфти ҷоми Раиси шаҳри Душанбе муайян гардиданд
Футболбози тоҷик Нуриддин Давронов фаъолияташро дар Ҳиндустон идома медиҳад
ФУТБОЛ. Алишер Тӯхтаев муваққатан сармураббии дастаи «Истиқлол»-и шаҳри Душанбе таъйин шуд
ҶОМИ КФО-2022: КМВА аз «Суғдиёна» шикаст хӯрд
АҲСАН! Варзишгари тоҷик Моҳрў Ҳалимова дар Чемпионати Осиё оид ба таэквондо медали биринҷӣ ба даст овард
ҶОМИ КФО-2022. Имрӯз КМВА-и Душанбе бо дастаи «Суғдиёна»-и Узбекистон бозӣ мекунад
Дар Тоҷикистон барои рушди сохтори варзиши дзюдо барномаи махсус амалӣ мешавад
ҶОМИ КФО. «Хуҷанд»-и Тоҷикистон бар дастаи «Копетдаг»-и Туркманистон ғолиб омад