«АСАРҲОИ РАССОМӢ ДАР МАВЗӮИ ОБ». Дар Осорхонаи миллии Тоҷикистон беҳтарин мусаввараҳо ба тамошо гузошта шуданд
ДУШАНБЕ, 02.06.2022 /АМИТ «Ховар»/. Дар Осорхонаи миллии Тоҷикистон таҳти унвони «Асарҳои рассомӣ дар мавзӯи об» беҳтарин мусаввараҳо бахшида ба Даҳсолаи байналмилалии амал «Об барои рушди устувор, солҳои 2018-2028» ба тамошо гузошта шуданд, иттилоъ доданд ба АМИТ «Ховар» дар ин муассиса.
Дар намоишгоҳ асарҳои офаридаҳои Бахтиёр Одинаев «Дарёи Зарафшон», Хушбахт Хушвахтов «Оромӣ», Янтобе Мамадқулов «Кӯли Сарез», Зиёратшо Довудов «Дарвоз», Сабзалӣ Шарипов «Ҳушёрӣ» ва ғайра ба маърази тамошо гузошта шудаанд.
Мусаввараҳои ин намоиш бинандаро бо дарёҳо, кӯлҳо, обанборҳо, неругоҳҳои барқи обӣ, пиряхҳо ва табиати нотакрори мамлакат шинос намуда, далели кишвари обӣ ва сарчашмаи асосии оби Осиёи Марказӣ будани Ҷумҳурии Тоҷикистон мебошанд.
Ҳадафи ба тамошо гузоштани асарҳо-шинос намудани меҳмонону иштирокчиёни Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» бо сарчашмаҳои обии Ҷумҳурии Тоҷикистон мебошад.
Осорхонаи миллии Тоҷикистон дӯстдорони ҳунари волои рассомиро ба тамошои «Асарҳои рассомӣ дар мавзӯи об» даъват менамояд.
Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ» 6-9 июни соли 2022 дар Душанбе баргузор мегардад.
АКС: Осорхонаи миллии Тоҷикистон
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
