Аввалин тоҷики муқими Русия сазовори унвони довари дзюдои дараҷаи умумирусиягӣ гардид
ДУШАНБЕ, 30.06.2022 /АМИТ «Ховар»/. Зодаи Тоҷикистон ва муқими Федератсияи Русия Мустақим Ҳотамов- мураббӣ оид ба дзюдо, дорандаи 3 дан, довари дараҷаи 1, узви Федератсияи дзюдои Ҷумҳурии Саха (Якутия) дирӯз аз тарафи Вазорати варзиши Федератсияи Русия сазовори унвони довари дзюдои дараҷаи умумирусиягӣ гардид. Ў аввалин тоҷик аст, ки дар Русия ба ин унвон сазовор шудааст.
Тавре Мустақим Ҳотамов дар суҳбат бо хабарнигори АМИТ «Ховар» иброз намуд, вай баъд аз даҳ соли талош ба ин унвон мувваффақ шуд.
Мавсуф соли 2000 ба Русия сафар намуда, то ба имрӯз дар ин кишвар кору зиндагӣ дорад. Аз соли 2005 то ҳол Раиси Ассотсиатсияи клуби «Сомонӣ» оид ба дзюдо дар Ҷумҳурии Саха мебошад.
«Ман дар Ассотсиатсияи клуби «Сомонӣ» ба тарбияи шогирдон аз намуди дзюдо машғул мебошам ва мо дар чандин мусобиқаҳои варзиши ҷумҳуриявӣ ва берун аз он иштирок намуда, ба муваффақиятҳои назаррас ноил гардидем»-иброз намуд Мустақим Ҳотамов.
МАЪЛУМОТНОМАИ АМИТ «ХОВАР»:
Мустақим Ҳотамов 20 январи соли 1982 дар Ҷамоати Самсолиқи ноҳияи Нуробод, дар оилаи омӯзгор ба дунё омадааст. Мактаби таҳсилоти миёнаи умумии рақами 2-и ноҳияи мазкурро хатм намуда, ба Омӯзишгоҳи касбии техникии №66-и шаҳри Душанбе дохил шудааст ва онро бо муваффақият хатм кардааст.
Соли 2021 ба Донишкадаи варзиши Ҷумҳурии Саха дохил шуда, таҳсилро идома дода истодааст. Оиладор соҳиби 3 фарзанд мебошад.
София ШОИК,
АМИТ «Ховар»,
АКС аз сомонаи иҷтимоии Мустақим Ҳотамов
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
