Дар Ашт мусобиқаи кушоди вилоятӣ оид ба панкратион ва грэпплинг баргузор гардид
ДУШАНБЕ, 20.06.2022 /АМИТ «Ховар»/. Дар Варзишгоҳи марказии ноҳияи Ашт мусобиқаи кушоди вилоятӣ оид ба панкратион ва грэпплинг (ADCC) доир гардид. Дар мусобиқа варзишгарон аз Ҷумҳурии Узбекистон, шаҳри Душанбе ва шаҳру ноҳияҳои вилояти Суғд ба ноҳияи Ашт байни ҳам қувваозмоӣ намуданд. Дар ин бора ба АМИТ «Ховар» корманди маркази матбуоти Раиси ноҳияи Ашт Ҳаётҷони Одил иттилоъ дод.
Дар маросими ҷамъбасти мусобиқа раиси ноҳияи Ашт Шӯҳрат Муҳаммадзода, роҳбарони сохторҳои мақомотҳои ҳифзи ҳуқуқ, роҳбарияти ҲХДТ дар ноҳия ва роҳбарони воҳидҳои сохторӣ иштирок намуданд.
Раиси ноҳия зикр кард, ки «беҳуда варзишро қосиди дўстӣ нагуфтаанд. Мусобиқаи мазкур дӯстиву бародарии байни наврасону ҷавононро боз ҳам мустаҳкамтар кард. Дар ҷараёни ин мусобиқа дӯстӣ, ҷасурӣ, адолат ва шаффофият ғолиб омад».
Мавриди зикр аст, ки тибқи Низомномаи тасдиқнамудаи Раёсати кор бо ҷавонон ва варзиши вилояти Суғд ва Федератсияи панкратион ва грэпплинг (ADCC) – и вилояти Суғд мусобиқа байни наврасони 7-10 сола, 11-14 сола, ҷавонони 15-18 сола ва калонсолон (+18) сола баргузор гардид. Ҳадаф аз баргузории мусобиқаи мазкур ташвиқу тарғиби намуди панкратион, мустаҳкам намудани алоқаи дӯстии байни варзишгарон ва баланд бардоштани маҳорату малакаи доварону иштирокдорон азёбӣ мегардад.
Дар фарҷом Шӯҳрат Муҳаммадзода ва роҳбарияти мақомотҳои ҳифзи ҳуқуқ дар вазъи тантанавӣ ба ғолибон медал ва Сипоснома, туҳфаҳои хотиравӣ супориданд.
АКС: Хадамоти матбуоти раиси ноҳияи Ашт
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
