Дар Давҳа бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон ҳамоиш баргузор гардид
ДУШАНБЕ, 24.06.2022 /АМИТ «Ховар»/. 23 июн дар шаҳри Давҳа Сафорати Ҷумҳурии Тоҷикистон дар Қатар ба ифтихори 25-умин солгарди Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон ҷамъомади тантанивиро бо ҳузури шаҳрвандони тоҷикистонии муқими Қатар баргузор намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар медиҳад.
Сафири Ҷумҳури Тоҷикистон дар Давлати Қатар Хисрав Соҳибзода ҳамватанонро ба муносибати ин ду ҷашни фархунда, ки дар сафҳаҳои таърихи навини тоҷикон бо хутути зарин ҷовидона сабт шудаанд ва дар таҳаққуқи амалии ормонҳои миллӣ ва сохтмони давлати демократию ҳуқуқбунёд нақши тақдирсоз доранд, табрику таҳният гуфт.
Таъкид гардид, ки дар партави талошҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва боварии содиқонаи мардум ба Пешво ва Ҳукумати кишвар имрӯз Тоҷикистон бо ташаббусҳои созандаи худ дар ҳалли масоили мубрами глобалӣ ҷойгоҳи баландро дар арсаи байналмилалӣ касб намудааст.
Дар ин замина зикр карда шуд, ки ваҳдати миллӣ нерӯи асосии пешрафтҳои таърихию беназири кишварамон дар ҷиҳати татбиқи босамари ҳадафҳои стратегии рушд ва мубориза алайҳи чолишҳои амнияти миллӣ ва суботи Тоҷикистон мебошад.
Дар рафти ҳамоиши Сафорат филмҳои мустанад ва аксҳои таърихӣ дар бораи равандҳои барқарорсозии сулҳу оромӣ, бунёди аркони давлати демократию ҳуқуқбунёд, эҷоди ҷомеаи озоди шаҳрвандӣ, таъмини низоми ҳуқуқии адолатпеша ва татбиқи барномаҳои рушди иҷтимоиву иқтисодӣ, ки маҳз аз қарорҳои Иҷлосияи XVI Шӯрои Олии Ҷумҳурии Тоҷикистон ва интихоби раҳбари хирадманди кишвари ҷавону соҳибистиқлол маншаъ мегиранд, намоиш дода шуданд.
Акс: ВКХ ҶТ
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
