Дар Душанбе Форуми оби ҷамоатҳои маҳаллӣ ва мардуми бумӣ ба кори худ оғоз бахшид
ДУШАНБЕ, 06.06.2022. /АМИТ «Ховар»/. Айни замон дар Китобхонаи миллии Тоҷикистон Форуми оби ҷамоатҳои маҳаллӣ ва мардуми бумӣ бо иштироки зиёди намояндагони кишварҳои хориҷӣ ва доираи васеи коршиносон аз соҳаҳои гуногун ҷараён дорад, — хабар медиҳад мухбири АМИТ «Ховар» аз ҷараёни он.
Форуми мазкур бо ташаббуси Вазорати энергетика ва захираҳои оби ҷумҳурӣ бо ҳамоҳангии Кумитаи рушди маҳали назди Президенти Ҷумҳурии Тоҷикистон баргузор карда шудааст.
Дар оғози чорабинӣ раиси Кумитаи рушди маҳал Шарифҷон Ҷумъазода меҳмонон ва иштирокдорони форумро ба Тоҷикистони офтобрӯя хайрамақдам гуфта, изҳор дошт, ки масъалаи об ва мушкилоти норасоии он яке аз масъалаҳои глобалӣ маҳсуб мешавад. Аз ин хотир ҷиҳати ҳалли он ташаббуси чоруми Тоҷикистон бо пешниҳоди хоссаи Президенти Ҷумҳурии Тоҷикистон муҳтарам Эмомалӣ Раҳмон заруриву саривақтист.
Дар назар аст, ки дар идомаи форум ширкаткунандагон оид ба аҳмияти об — ин ганҷинаи бебаҳо ва манбаи асосии ҳаёт, ҳифзу нигаҳдошти он мубодилаи афкор намоянд.
Ёдовар мешавем, ки 6-9 июни соли 2022 дар Душанбе Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Пешбурди амал ва шарикӣ дар соҳаи захираҳои об дар сатҳҳои маҳаллӣ, миллӣ, минтақавӣ ва ҷаҳонӣ» баргузор мешавад.
Файзалӣ НИЁЗ,
АМИТ «Ховар»
АКС: АМИТ «Ховар»
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
