Дар ноҳияи Ашт барои бунёди 16 синфхонаи иловагӣ хишти аввал гузошта шуд

Июнь 28, 2022 12:22

ДУШАНБЕ, 28.06.2022 /АМИТ «Ховар»/. Дар ноҳияи Ашт барои сохтмони 16 синфхонаи иловагӣ, ки бо фарогири 156 метри мураббаъ барои 800 хонанда дар ду баст пешбинӣ гардидааст, хишти аввал гузошта шуд. Дар ин бора ба АМИТ «Ховар» корманди маркази матбуоти Раиси ноҳияи Ашт Ҳаётҷони Одил иттилоъ дод.

Дар маросими гузоштани хишти аввал дар 8 синфхонаи иловагии муассисаи таҳсилоти миёнаи умумии №43 ба номи Тӯлқун Хоҷаназарови деҳаи Хӯҷамбердиев, Ҷамоати деҳоти Ошоба ва 8 синфхонаи иловагӣ дар МТМУ №52 Ҷамоати деҳоти Ориён, деҳаи Сарваки ноҳияи Ашт Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода ва Раиси ноҳия Шӯҳрат Муҳаммадзода иштирок намуданд. Ҳамзамон раҳбарони мақомотҳои ҳифзи ҳуқуқ, роҳбарияти ҲХДТ дар ноҳия, собиқадорони меҳнат, омӯзгорону хонандагон ва фаъолони деҳа ширкат карданд.

Неъматулло Ҳикматуллозода зикр кард, ки имрўз барои ободу зебо намудани диёр ва таъмини зиндагии шоиста ба мардум Сарвари давлат тамоми кӯшишро равона карда истодаанд. Бунёди синфхонаҳои иловагӣ ба таври дастаҷамъона собит месозад, ки сиёсати маорифпарваронаи Пешвои миллатро мардуми ноҳия ҳамаҷониба дастгирӣ мекунанд.

Ёрдамчии Президенти Ҷумҳурии Тоҷикистон оид ба масъалаҳои иқтисодӣ ва Раиси ноҳия дар Ҷамоати деҳоти Ориён бо шароит ва таъмиру омодагии 4 синфхонаи иловагие, ки дар деҳаи Нурафшон ба таври ҳашар бунёд гардидааст, шинос шуданд.


Бо дастгирии соҳибкорон Ҷамоати деҳоти Ориён муассисаи ибтидоии МТМУ №6 ба номи Абдураҳмони Ҷомӣ пурра аз таъмири хушсифат бароварда шуда, шароити таълим дар онҳо ба талаботи замон омода карда шудааст.

Мавриди зикр аст, ки бинои куҳнаи МТМУ №25 дар ҳолати садамавӣ қарор дошта, бо таваҷҷуҳи Пешвои миллат дар деҳаи дурдаст мактаби 4-ошёна, ки дорои таҳхона мебошад, бунёд гардид. Саҳни бино пурра сафолакпўш гардида, ойнабандиҳо пурра хотима ёфтааст.

Бино мувофиқ ба талаботҳои муосир ҷавобгӯ буда, синфхонаҳо бо таҷҳизоти зарурӣ таъмин мегарданд. Корҳои ҷузъӣ ва омоданамоӣ ба соли нави хониш идома ёфта, иттилоъ дода шуд, ки то соли нави хониш пурра корҳои сохтмонӣ ба анҷом мерасанд.

АКС: Маркази матбуоти Раиси ноҳияи Ашт

Июнь 28, 2022 12:22

Хабарҳои дигари ин бахш

Заҳмати беш аз 2000 нафар кормандони соҳаи маориф ва омӯзгорони вилояти Хатлон қадрдонӣ гардид
ЯРМАРКАИ МАКТАБӢ. «Нассоҷии тоҷик» барои беҳтар намудани стандарти либосҳо аз таҷҳизоти муосири ҷаҳонӣ истифода мебарад
Омӯзгорон ва устоҳои таълими истеҳсолии литсейҳои ВМКБ ба шаҳри Кӯлоб сафари омӯзишию сайёҳӣ намуданд
Бунёди бинои нуҳошёнаи Донишгоҳи давлатии Хоруғ дубора шурӯъ гардид
Сокинони деҳаи Меҳргони шаҳри Турсунзода мактаб месозанд
Дар зарфи 65 сол факултети сохтмон ва меъмории ДТТ беш аз 15 ҳазор муҳандис-сохтмончӣ ва меъмор омода намудааст
Дар Хоруғ оид ба мубодилаи электронии ҳуҷҷатҳо дар мақомоти давлатӣ даври сайёри такмили ихтисос гузаронида шуд
Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз гардид
Низомиёни рус ба хонандагони литсейи Душанбе кумаки башардӯстона расониданд
МАРКАЗИ МИЛЛИИ ТЕСТӢ: Имрӯз давраи азнавбақайдгирии довталабон барои иштирок дар озмуни тақсимоти такрорӣ оғоз ёфт
Татбиқи «Стратегияи миллии рушди маорифи Ҷумҳурии Тоҷикистон барои давраи то соли 2030» баррасӣ гардид
«НЕРУИ АҚЛ». Дар мактабҳои Тоҷикистон лоиҳаи омӯзиши илмҳои дақиқ ба забони русӣ оғоз мешавад

Маводҳои таҳлилӣ