Дзюдочиёни тоҷик барои иштирок дар мусобиқаи «Тоскулоҳи бузург» ба Муғулистон мераванд
ДУШАНБЕ, 15.06.2022 /АМИТ «Ховар»/. Дзюдочиёни тоҷик мавсими ҷаҳонии дзюдоро дар мусобиқаи «Тоскулоҳи бузург» («Grand Slam»), ки дар Улан-Батори Муғулистон баргузор мешавад, идома медиҳанд. Мусобиқа аз 24 то 26 июн доир мешавад, хабар доданд ба АМИТ «Ховар» дар Федератсияи дзюдои Тоҷикистон.
Дар ин мусобиқаи байналмилалӣ 200 варзишгар аз 27 давлат иштирок мекунад. Мавриди зикр аст, ки мусобиқаи «Grand Slam» яке аз бонуфузтарин мусобиқоти арсаи ҷаҳонист.
Тоҷикистонро дар мусобиқаи мазкур ҳайати даста иборат аз Шаҳбоз Саидаброров (66 кг), Беҳрӯз Хоҷазода (73 кг), ки пас аз ду соли муолиҷа ба варзиш баргашааст, Сомон Маҳмадбеков (73 кг), Шодмон Ризоев (81 кг), Комроншоҳ Устопириён (90 кг) ва Амирҷон Насимҷон (90 кг) намояндагӣ мекунад.
Дзюдочиён дар ҳафт вазн байни мардону занон иштирок мекунанд. Хазинаи ҷоизаивии мусобиқа 154 ҳазор евроро ташкил медиҳад. Ба барандаи ҷои аввал 4 ҳазор евро, ҷои дуюм 2,4 ҳазор евро ва ғолиби ҷои сеюми мусобиқа 1,2 ҳазор евро тақдим карда мешавад.
Арзиши мукофотҳо барои ҳисобкунии рейтинг чунин хоҳад буд: 500 хол – ҳисоби рейтинги ҷаҳонӣ барои тилло, 300 барои нуқра ва 200 барои биринҷӣ. Ба шарофати арзиши баланди рейтинги ғолибият дар чунин мусобиқаҳо дар ин сатҳ ба таври анъанавӣ дзюдочиёни номдор ширкат меварзанд.
Марҳилаҳои боқимондаи мусобиқоти «Grand Slam» дар мавсими имсола дар Будапешт, Загреб, Абу-Даби, Боку ва Токио баргузор мешаванд.
Дар Мусобиқаи байналмилалии дзюдо «Tbilisi Grand Slam 2022», ки 3-5 июн дар пойтахти Гурҷистон – Тбилиси баргузор шуд, варзишгарони тоҷик низ иштирок намуданд.
Тоҷикистонро дар ин мусобиқа 9 нафар: Нуралӣ Эмомалӣ, Шаҳбоз Саидаброров (ҳар ду дар вазни -66 кг), Маҳмадшариф Наҷмуддинов, Муҳаммадраҳим Сарахонов (ҳар ду дар вазни -73 кг), Шодмон Ризоев, Муҳаммадҷон Абдуҷалилов (ҳар ду дар вазни -81 кг), Кароматулло Ҳакимов (дар вазни -90 кг), Мансур Раҳмон ва Абубакри Акобир (ҳар ду дар вазни -100 кг) намояндагӣ карданд.
Аз байни гуштигирони тоҷик се нафар — Шаҳбоз Саидаброров, Муҳаммадраҳим Сарахонов ва Шодмон Ризоев натиҷаҳои хубтар нишон дода, дар вазни худ ҷои ҳафтумро соҳиб шуданд.
ДАР АКС: Беҳрӯз Хоҷазод пас аз муолиҷаи тӯлонӣ дар мусобиқаи «Grand Slam» ширкат мекунад. Акс аз бойгонии АМИТ «Ховар»
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
