ФУТБОЛ. Алишер Тӯхтаев муваққатан сармураббии дастаи «Истиқлол»-и шаҳри Душанбе таъйин шуд
ДУШАНБЕ, 28.06.2022 /АМИТ «Ховар»/. Мутахассиси тоҷик Алишер Тӯхтаев муваққатан сармураббии дастаи футболи «Истиқлол»-и шаҳри Душанбе таъйин шуд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Бо қарори роҳбарияти дастаи пойтахт Алишер Тӯхтаев муваққатан вазифаи сармураббии дастаро ба уҳда гирифта, онро ба бозиҳои дарпешистода омода мекунад.
Ёдовар мешавем, ки дирӯз дастаи футболи «Истиқлол»-и шаҳри Душанбе ва мураббии соҳибном Виталий Левченко ҳамкории худро хотима бахшиданд.
Тибқи иттилои дафтари матбуоти дастаи футболи «Истиқлол»-и шаҳри Душанбе, баъд аз анҷоми муҳлати шартнома ҷонибҳо бо розигии тарафайн онро тамдид накарданд ва дастпарвари футболи Тоҷикистон тарки дастаи «Истиқлол» намуд.
Мавриди зикр аст, ки Виталий Левченко шуруъ аз соли 2020 сармураббии дастаи футболи «Истиқлол»-и шаҳри Душанбе буд ва таҳти роҳбарии ӯ даста чемпиони Тоҷикистон, барандаи Ҷом ва Суперҷоми Тоҷикистон гардидааст.
Ҳамзамон мавсими гузашта дастаи футболи «Истиқлол»-и шаҳри Душанбе бо Виталий Левченко дар Лигаи қаҳрамонҳои Осиё дар гурӯҳи худ мақоми аввалро ишғол намуда, ба даври 1/8 ниҳоӣ баромада буд. Баъд аз рафтани Виталий Левченко ҳамакнун дастаро иҷрокунандаи вазифаи сармураббӣ Алишер Тӯхтаев тамрин медиҳад.
АКС: Федератсияи футболи Тоҷикистон
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
