ФУТБОЛ. Имрӯз дар Душанбе бозии аввали дӯстонаи Тоҷикистон ва Амороти Муттаҳидаи Арабӣ доир мегардад

Июнь 2, 2022 15:03

ДУШАНБЕ, 02.06.2022 /АМИТ «Ховар»/. Шоми имрӯз  дар Варзишгоҳи марказии ҷумҳуриявии шаҳри Душанбе бозии аввали дӯстона миёни дастаҳои футболи  ҷавонони то 20-солаи  Тоҷикистон ва Амороти Муттаҳидаи Арабӣ баргузор мешавад. Дар ин бора ба шореҳи варзиши АМИТ «Ховар» аз  Федератсияи футболи Тоҷикистон хабар доданд.

2 ва 4 июн дар Варзишгоҳи марказии ҷумҳуриявии шаҳри Душанбе миёни дастаҳои ҷавонони то 20-солаи  Тоҷикистон ва Амороти Муттаҳидаи Арабӣ бозиҳои дӯстона баргузор мешаванд. Ин вохӯриҳо соати 20:00 оғоз мешаванд.

Дар марҳилаи интихобии Ҷоми Осиё-2023 дастаи мунтахаби ҷавонони то 20-солаи  Тоҷикистон   дар гурӯҳи «I» баромад мекунад. Дастаҳои  Камбоҷа, Лубнон ва Сингапур ҳарифони  ҷавонони мо мебошанд. Даври интихобӣ аз 14 то 18 сентябр дар Душанбе баргузор мешавад.

Ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегиранд, ба марҳилаи ниҳоии Ҷоми Осиё-2023 миёни ҷавонон, ки аз 1 то 18 марти соли оянда дар Узбекистон баргузор мешавад, роҳ меёбанд.

Вохӯриҳои рафиқона

 2 июн (панҷшанбе)

Оғоз — соати 20:00

ТОҶИКИСТОН (U-20) – АМА (U-20)

Душанбе, Варзишгоҳи марказии ҷумҳуриявӣ

4 июн (шанбе)

Оғоз — соати 20:00

ТОҶИКИСТОН (U-20) – АМА (U-20)

 Душанбе, Варзишгоҳи марказии ҷумҳуриявӣ

                                                                                                                Акс: ФФТ

Июнь 2, 2022 15:03

Хабарҳои дигари ин бахш

Ғолибони Мусобиқаи кушоди байналмилалӣ оид ба бокс дар Хуҷанд муайян шуданд
Лигаи футзали Тоҷикистон беҳтаринҳои мавсими 2024/25-ро қадрдонӣ намуд
Дар Турсунзода курсҳои ФИФА барои доварони Тоҷикистон оғоз шуданд
Дастаи мунтахаби наврасони Тоҷикистон (U-17) омодагиҳоро ба Ҷоми ҷаҳон-2025 оғоз кард
Дар Федератсияи футболи Тоҷикистон ҷаласаи Кумитаи маркетинг баргузор шуд
Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид
Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд