ФУТЗАЛ.«Равшан», «Соро компания» ва «Сипар» дар бозиҳои даври дуюми Суперлигаи Тоҷикистон ғолиб гардиданд

ДУШАНБЕ, 09.06.2022 /АМИТ «Ховар»/. Бозиҳои даври дуюми Суперлигаи Тоҷикистон оид ба футзал дар толорҳои  варзишӣ мамлакатамон хеле ҷолиб  баргузор шуданд. Бо натиҷагирӣ аз ду даври бозиҳо дастаи футзали «Равшан»-и шаҳри Кӯлоб бо 6 хол дар садри ҷадвали мусобиқа қарор дорад, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Дастаи футзали «Равшан»-и шаҳри Кӯлоб дар даври дуюм бар дастаи  КМВА-и шаҳри Душанбе бо ҳисоби 6:5 пирӯз шуд.

Дар бозиҳои дигар  бошад, дастаҳои  футзали  «Истаравшан»-и шаҳри Истаравшан  бар  «Пойтахт»-и шаҳри  Душанбе   бо ҳисоби 5:2, «Соро компания»-и шаҳри Душанбе   бар «Самандар»-и  шаҳри Турсунзода  бо ҳисоби  15:1 ва «Сипар»-и шаҳри Хуҷанд  бар «Истиқлол»-и шаҳри Душнабе бо ҳисоби 4:1 ғолиб омаданд

Ёдовар мешавем, ки   бозиҳои даври сеюми  Суперлигаи Тоҷикистон оид ба футзал  11-12 июни соли равон баргузор мегарданд. 11 июн дастаҳои футзали  «Сипар»-и шаҳри Хуҷанд  бо «Истаравшан»-и шаҳри Истаравшан, «Самандар»-и  шаҳри Турсунзода бо «Истиқлол»-и шаҳри Душнабе  ва  12 июн   дастаҳои   «Равшан»-и шаҳри  Кӯлоб  бо  «Соро компания»-и  шаҳри Душанбе   ва  «Пойтахт»-и шаҳри  Душанбе   бо КМВА-и шаҳри Душанбе бозӣ мекунанд.

                                                                                                     Акс: ФФТ