Густаво Петро дар интихоботи президентии Колумбия пирӯз шуд

Июнь 20, 2022 13:15

ДУШАНБЕ, 20.06.2022 /АМИТ «Ховар»/. Сенатор Густаво Петро, ​​ки намояндаи эътилофи «Паймони таърихӣ» аст, рӯзи якшанбе, 19 июн дар даври дуюми интихобот  Президенти  Колумбия интихоб шуд. Тибқи маълумоте, ки пас аз ҳисобкунии  фаврии 99,95% бюллетенҳо ба даст омадааст, 50,45% интихобкунандагон ба тарафдории ӯ райъ додаанд. Дар ин бора АМИТ «Ховар» бо истинод ба ТАСС хабар медиҳад.

«Моро тағйироти воқеӣ интизор аст. Мо интихобкунандагонеро, ки мехостанд Колумбия тағйир ёбад, ноумед наменамоем. Аммо ин тағйирот барои қасос гирифтан ва ба  вуҷуд овардани тафриқаи боз ҳам бештар дар ҷомеа нестанд», — гуфт Петро дар нахустин суханронияш ба ҳайси президенти интихобшудаи Колумбия, ки дар саҳифаи “Twitter”-аш пахш шуд.

Сиёсатмадор ҳамчунин гуфт, ки омода аст пешниҳодҳои мухолифонро гӯш кунад. Ғайр аз ин, президенти интихобгардидаи Колумбия аз  давлатҳои Амрикои Лотинӣ даъват намуд, ки барои ҳамгироӣ ва гуфтушуниди байни ҳамаи мамлакатҳои нимкураи  Ғарбӣ бидуни истисно ҷидду ҷаҳд намоянд.

Петрои ​​62-сола собиқ узви ҷавони созмони чапгарои М-19,  ки бар зидди ҳукумат муборизаи мусаллаҳона мебурд, нахустин президенти Колумбия аз чапгароён меградад. Солҳои 2010 ва 2018 сиёсатмадор аллакай барои курсии президентӣ мубориза бурда, дар даври дуюм аз президенти  феълӣ Иван Дука шикаст хӯрда буд. Солҳои 2012-2015 Петро мири пойтахти Колумбия ва аз соли 2018 инҷониб сенатор буд.

ДАР АКС: Густаво Петро. Акс: © AP Photo/Fernando Vergara

Июнь 20, 2022 13:15

Хабарҳои дигари ин бахш

Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд