«МО ОБИ ҶӮЙБОРЕМ, МО РӮДИ КӮҲСОРЕМ….». Зери ин мисраъҳо кӯдакону ҷавонон дар Форуми оби Душанбе суруд (гимн) мехонанд
ДУШАНБЕ, 06.06.2022 /АМИТ «Ховар»/. «Об қисми асосии ҳамаи ҷанбаҳои ҳаёти мо мебошад ва ман ҳамчун намояндаи кӯдакони имрӯза дар ин ҷо, барои амал кардан ҷиҳати нигоҳ доштани захираҳои об дар сатҳи ҷаҳонӣ ва пешбарии баробар даъват менамоям», — изҳор дошт дар оғози суханронии худ дар Форуми оби ҷавонон ва кӯдакони Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» Алия Эраҷ, хонандаи синфи 5-уми Мактаби президентии шаҳри Душанбе, ки яке аз иштирокчиён ва дар баробари хонандаи дигари тоҷик Тупчӣ Малакбозов ҳаммуаллифи суруд (гимн) мебошад.
Алия Эраҷ дар суҳбат бо хабарнигори АМИТ «Ховар» изҳор дошт, ки дар баробари иштироки фаъол дар чорабиниҳои муҳими экологии вобаста ба обу иқлим, ӯ ҳамчунин дар якҷоягӣ бо Тупчӣ Малакбозов хонандаи Мактаби президентии шаҳри Душанбе дар таҳияи суруд (гимн)-и махсус барои Форуми оби ҷавонон ва кӯдакон низ саҳм гузоштааст.
«Мо оби ҷӯйборем, мо рӯди кӯҳсорем, мо оби поки пирях, аз кӯҳи бовиқорем… ин мисраъҳоро мо ҳамроҳи Тупчӣ барои Форум омода кардем. Ин суруд бо номи «Об ва иқлим» навишта шуда, тарғиби мавзӯи мушкилоти обро дар бар мегирдад. Мо мехоҳем он дар саросари ҷаҳон маъмул гардад ва онро на танҳо кӯдакони Тоҷикистон, балки кӯдакони тамоми ҷаҳон хонда тавонанд», — изҳор дошт Алия Эраҷ.
Ба гуфтаи Алия Эраҷ, баргузории Форуми ҷавонон ва кӯдакони Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» имконияти хубест барои ироаи андешаҳои кӯдакони тамоми дунё дар бораи истифодаи мақсадноки об ба оламиён.
Дар Форуми ҷавонон ва кӯдакон оид ба масоили оби Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» дар маҷмӯъ кӯдакону наврасон ва ҷавонони 33 мамлакати ҷаҳон — 200 нафар бевосита худашон ва 900 нафар ба таври маҷозӣ иштирок доранд.
Манижа БАҲРОМЗОДА,
Тоҳирҷон САИД,
АМИТ «Ховар»
АКС: АМИТ «Ховар»
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
