Насрулло Маҳмудзода дар ҷаласаи котибони шӯроҳои амнияти кишварҳои узви СААД дар Ереван ширкат варзид
ДУШАНБЕ, 18.06.2022 /АМИТ «Ховар»/. Кишварҳои узви Созмони Аҳдномаи амнияти дастҷамъӣ (СААД) бояд ҳамкории сиёсиро дар ҳама сатҳҳо ва майдонҳо тақвият бахшанд. Дар ин бора дар ҷаласаи котибони шӯроҳои амнияти ин кишварҳо, ки дирӯз, 17 июн дар Ереван баргузор гардид, изҳор шуд карда шуд. Дар ҷаласа котиби Шӯрои амнияти Тоҷикистон Насрулло Маҳмудзода низ иштирок дошт, хабар медиҳад АМИТ «Ховар» бо истинод ба хадамоти матбуоти Созмон.
Котибони шӯроҳои амният тадбирҳои безараргардонии чолишҳо ва таҳдидҳо ба амнияти кишварҳои узви СААД-ро баррасӣ намуда, ҳамчунин як қатор санадҳои муҳими марбут ба такмили идораи Қӯшунҳо (Қувваҳои дастҷамъӣ) ва мубориза бо терроризмро муҳокима ва тасдиқ карданд. Аз ҷумла, Қарори Шӯрои амнияти дастҷамъии СААД дар бораи додани маҷмааи чорабиниҳои оперативӣ-пешгирикунандаи «Наёмник» мақоми амалиёти минтақавии зиддитеррористии амалиёти доимӣ ба тасвиб расид.
Бо қарори Кумитаи котибони шӯроҳои амният Нақшаи омодагии муштараки мақомоти идорӣ, воҳидҳои қувваҳо ва воситаҳои низоми амнияти дастҷамъии СААД барои соли 2023 ва як қатор ҳуҷҷатҳои дигар, инчунин Нақшаи машваратҳои намояндагони кишварҳои узви СААД оид ба масъалаҳои сиёсати хориҷӣ, мудофиа ва амният барои солҳои 2022-2024, ки бо дарназардошти муқаррароти асосии Стратегияи амнияти дастҷамъии СААД барои давраи то соли 2025 таҳия шуда, барои баргузории машваратҳо оид ба масъалаҳои муқовимат ба чолишҳо ва таҳдидҳо замина мегардад, тасдиқ шуданд.
Ҷаласаи Кумитаи котибони шӯроҳои амнияти СААД дар доираи раёсати Арманистон дар Созмон баргузор шуд.
Ёдовар мешавем, ки соли 2022 30-умин солгарди имзои Аҳдномаи амнияти дастҷамъӣ ва 20-умин солгарди таъсиси Созмони Аҳдномаи амнияти дастҷамъӣ таҷлил мегардад.
Аҳдномаи амнияти дастҷамъӣ 15 майи соли 1992 дар шаҳри Тошканд аз ҷониби сарони Арманистон, Қазоқистон, Қирғизистон, Русия, Тоҷикистон ва Узбнкистон ба имзо расида буд. Баъдтан Озарбойҷон, Беларус ва Гурҷистон ба ин аҳднома ҳамроҳ шуданд. Аҳднома 20 апрели соли 1994 пас аз расмиёти тасвиб дар кишварҳои узв эътибор пайдо кард. Аммо баъдан Озарбойҷон, Гурҷистон ва Узбекистон аз ин аҳднома хориҷ шуданд. 14 майи соли 2002 дар Москва бо қарори Шӯрои амнияти дастҷамъӣ Созмони Аҳдномаи амнияти дастҷамъӣ (СААД), ки ба он Арманистон, Беларус, Русия, Қазоқистон, Қирғизистон ва Тоҷикистон шомил мебошанд, таъсис ёфт.
АКС: Хадамоти матбуоти СААД
Раҷабалӣ Раҳмоналӣ: «Ҳодисаҳои ғарқшавӣ асосан бо сабаби риоя накардани қоидаҳои оббозӣ ба амал меоянд»
НИШАСТИ МАТБУОТӢ. Шумораи ҳолатҳои фавқулодаи табиӣ дар Тоҷикистон 519 ҳолат афзоиш ёфтааст
Дар Тоҷикистон пешгирӣ аз истеъмоли моддаҳои психотропӣ тақвият дода мешавад
Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
