ҶОМИ КФО. Имрӯз дар гурӯҳи «F» байни дастаҳои «Хуҷанд» ва «Копетдаг» бозӣ баргузор мешавад
ДУШАНБЕ, 24.06.2022 /АМИТ «Ховар»/. Шоми имрӯз дар Варзишгоҳи ба номи Долон Омурзоқови шаҳри Бишкек аввалин бозии гурӯҳии Ҷоми КФО миёни дастаҳои футболи «Хуҷанд»-и Тоҷикистон ва «Копетдаг»-и Туркманистон баргузор мегардад, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Дар гурӯҳи «F» ҷоизадори медали нуқраи чемпионати Тоҷикистон дастаи футболи «Хуҷанд»-и шаҳри Хуҷанд барои роҳхати ягонаи даври баъдӣ бо қаҳрамони Қирғизистон дастаи «Дордой» ва барандаи Ҷоми Туркманистон дастаи футболи «Копетдаг» миёни ҳам рақобат мекунад. Ҳамаи бозиҳои ин гурӯҳро шаҳри Бишкеки Ҷумҳурии Қирғизистон мизбонӣ мекунад.
Ёдовар мешавем, ки дастаи футболи «Хуҷанд»-и шаҳри Хуҷанд имрӯз, 24 июн дар Варзишгоҳи ба номи Долон Омурзоқови шаҳри Бишкек, соати 19:00 аввалин бозиашро муқобили дастаи «Копетдаг»-и Туркманистон анҷом медиҳад. Ғолибони гурӯҳҳо дар марҳилаи финалии минтақавӣ вомехӯранд, ки барандаи он 100 ҳазор доллари ИМА мегирад.
Ҷоми КФО- 2022
Минтақаи марказӣ
Гурӯҳи «F»
Иштирокчиён: «Хуҷанд» (Тоҷикистон ), «Дордой» (Қирғизистон), «Копетдаг» (Туркманистон).
Даври 1
24 июн (ҷумъа)
19:00 – «Копетдаг» (Туркманистон) – «Хуҷанд» (Тоҷикистон )
Даври 2
27 июн (душанбе)
19:00 – «Дордой» (Қирғизистон) – «Копетдаг» (Туркманистон)
Даври 3
30 июн (панҷшанбе)
19:00 —«Хуҷанд» (Тоҷикистон )– «Дордой» (Қирғизистон)
Оғози бозиҳо ба вақти Душанбе аст.
АКС: Федератсияи футболи Тоҷикистон
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
