ҶОМИ ОСИЁ-2023. Имрӯз мунтахаби Тоҷикистон бо тими Сингапур бозӣ мекунад

ДУШАНБЕ, 11.06.2022 /АМИТ «Ховар»/. Имрӯз, 11 июн дар доираи даври дуюми марҳилаи интихобии Ҷоми Осиё-2023 мунтахаби Тоҷикистон оид ба футбол бо тими Сингапур бозӣ мекунад. Дар ин бора ба АМИТ «Ховар» дар Федератсияи футболи Тоҷикистон хабар доданд.

Ин вохӯрӣ соати 15:30 ба вақти Душанбе оғоз мешавад. Пахши мустақими бозиро шабакаҳои телевизионии «Варзиш» ва «Футбол» ба роҳ мемонанд.

Ёдовар мешавем, ки дастаи мунтахаби Тоҷикистон дар бозии якуми марҳилаи интихобии Ҷоми Осиё-2023 тими миллии Мянмарро бо ҳисоби 4:0 мағлуб кард.

Бозиҳои интихобии Ҷоми Осиё-2023

Тақвими бозиҳои боқимонда:

Даври 2

11 июн (шанбе)

15:30 – Сингапур – ТОҶИКИСТОН

20:00 – Мянмар – Қирғизистон

Даври 3

14 июн (сешанбе)

15:30 – Мянмар – Сингапур

20:00 – Қирғизистон – ТОҶИКИСТОН

Эзоҳ: оғози бозӣ ба вақти Душанбе аст.

Акс: ФФТ