ҶОМИ ТОҶИКИСТОН-2022. Дар Душанбе маросими қуръакашии марҳилаи муқаддамотӣ доир гардид
ДУШАНБЕ, 01.06.2022 /АМИТ «Ховар»/. Дирӯз дар шаҳри Душанбе маросими қуръакашии марҳилаи муқаддамотии Ҷоми Тоҷикистон-2022 оид ба футбол хеле ҷолиб баргузор шуд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Дар марҳилаи муқаддамотии Ҷоми Тоҷикистон 12 дастаи Лигаи аввал баромад мекунанд, ки дар қуръакашӣ аз онҳо шаш ҷуфт ташкил карда шуд. Дар ин марҳилаи мусобиқа дастаҳои футболи «Панҷшер» бо «Динамо», «Ваҳдат» бо «Ҳосилот», «Моҳир» бо «Душанбе», «Ҳулбук» бо «Сарҳадчӣ», «Саройкамар» бо «Гулистон» ва «Барқчӣ» бо «Кӯктош» миёни ҳам рақобат мекунанд.
Мавриди зикр аст, ки бозиҳои марҳилаи муқаддамотии Ҷоми Тоҷикистон-2022 аз як вохӯрӣ иборат буда, 4-5 июн баргузор мешаванд. Ғолибон ба даври 1/8-ниҳоӣ роҳ меёбанд, ки дар ин марҳила бошгоҳҳои Лигаи олии Тоҷикистон ба мусобиқа ҳамроҳ мешаванд.
Вохӯрии дастаҳои футболи «Панҷшер»-и ноҳияи Ҷалолиддини Румӣ ва «Динамо»-и шаҳри Душанбе дар рӯзҳои эҳтиётӣ баргузор мешавад, зеро футболбозони дастаи «Динамо» ҳайати асосии дастаи мунтахаби ҷавонони то 20-солаи Тоҷикистонро ташкил медиҳанд, ки 2 ва 4 июн дар Душанбе бо ҳамсолони худ аз АМА бозиҳои дӯстона анҷом медиҳад.
Бояд гуфт, барандаи Ҷоми Тоҷикистон-2022 ҳуқуқи муаррифии кишвари моро дар Ҷоми КФО-2023/2024 ба даст меорад. Дар сурате, ки як бошгоҳ ҳам қаҳрамони Тоҷикистон ва ҳам соҳиби Ҷоми кишвар шавад, пас барандаи медали биринҷии лигаи олии Тоҷикистон дар мавсими оянда дар Ҷоми КФО ширкат хоҳад кард.
Ҷоми Тоҷикистон-2022
Марҳилаи муқаддамотӣ
4 июн (шанбе)
Бозиҳо соати 17:00 оғоз мешаванд
«Ваҳдат» – «Ҳосилот»
«Моҳир» – «Душанбе»
5 июн (якшанбе)
Бозиҳо соати 17:00 оғоз мешаванд
«Ҳулбук» – «Сарҳадчӣ»
«Саройкамар» – «Гулистон»
«Барқчӣ» – «Куктош»
Акс: ФФТ
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
