Вазири энергетика ва захираҳои оби Тоҷикистон дар панели «Неруи барқ дар давраи тағйирот» иштирок кард
ДУШАНБЕ, 21.06.2022 /АМИТ «Ховар»/. Вазири энергетика ва захираҳои оби Ҷумҳурии Тоҷикистон Далер Ҷумъа зимни иштирок дар ҷаласаи панели «Неруи барқ дар давраи тағйирот», ки дар доираи Форуми байналмилалии иқтисодии Санкт-Петербург баргузор гардид, оид ба ҳадафҳои стратегии ба кор андохтани иқтидори нави энергетикӣ асосан аз ҳисоби бунёди неругоҳҳои барқии обӣ суханронӣ намуд. Дар ин бора ба АМИТ «Ховар» дар Вазорати энергетика ва захираҳои оби Ҷумҳурии Тоҷикистон хабар доданд.
Вазири энергетика ва захираҳои оби Ҷумҳурии Тоҷикистон Далер Ҷумъа рушди босуръати соҳаи энергетикаро дар кишвар шарҳ дода, оид ба ислоҳоти соҳа изҳори назар намуд.
Ў дар бораи таҷдиди сохтори ШСХК «Барқи Тоҷик» ба се корхонаи ҷудогонаи истеҳсол, интиқол ва тақсимоти нерӯи барқ ёдовар шуда, ҳадафҳои стратегии ба кор андохтани иқтидорҳои нави энергетикиро асосан аз ҳисоби бунёди неругоҳҳои барқи обӣ, инчунин нақшаҳои наздиктарини Тоҷикистон дар соҳаи рушди энергетикаи офтобу шамол маълумот дод.
Дар ҷаласаи мазкур ҳамчунин губернатори вилояти Челябинск Александр Текслер, Вазири энергетикаи Федератсияи Русия Николай Шулгинов, Директори генералӣ, раиси Раёсати ҶСП «Россети» Андрей Рюмин, раиси Раёсати ҶСК «Оператори системавӣ», «Системаи ягонаи энергетикӣ» Федор Опадчий, раиси Раёсат, директори генералии ҶСП «РусГидро» Виктор Хмарин ва дигар намояндагони вазорату идораҳои дахлдор ширкат ва суханронӣ намуданд.
АКС: Вазорати энергетика ва захираҳои оби ҶТ
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Дар Кумитаи бехатарии озуқаворӣ оид ба пешгирӣ ва муқовимат ба коррупсия вохӯрӣ баргузор шуд
Тоҷикистон барои бунёди неругоҳи «Роғун» маблағҳои иловагии созмонҳои байналмилалии молиявиро ҷалб менамояд
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир гардид
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
