БА ПЕШВОЗИ ҶАШНИ 35-СОЛАГИИ ИСТИҚЛОЛИЯТИ ТОҶИКИСТОН. Дар Кӯлоб беш аз 450 иншооти таъйиноти гуногун бунёд мешаванд
КӮЛОБ, 20.07.2022 /АМИТ «Ховар»/. Бо мақсади сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон дар шаҳри Кӯлоб сохтмони беш аз 450 иншооти таъйиноти гуногун ба нақша гирифта шудааст, ки қариб 100 адади он то охири соли 2022 мавриди истифода қарор дода мешавад.
Тавре сармеъмори шаҳри Кӯлоб Қурбон Аҳмадзода ба хабарнигори минтақавии АМИТ «Ховар» иттилоъ дод, айни замон бо дастгирии мақомоти иҷроияи ҳокимияти давлатӣ соҳибкорони маҳаллӣ дар дохили шаҳр хонаҳои баландошёнаи истиқоматӣ, марказҳои хизматрасонӣ, коргоҳу корхонаҳои саноатӣ ва дигар иншооти таъйиноти гуногун бунёд намуда истодаанд, ки ба ин восита барои садҳо нафар сокинони шаҳр ҷойи нави кор ва шароити созгори зиндагӣ муҳайё мегардад.
ҶДММ «Фаридун» дар кӯчаи Ҷумъа Алии шаҳр корҳои сохтмониро дар бинои иловагии муассисаи таҳсилоти миёнаи умумии рақами 42 барои 240 ҷои нишаст дар як баст идома дода истодааст. Ҳоло дар ин иншоот 15 нафар мутахассисони маҳаллӣ бо ҷои кор ва маоши хуб таъминанд. Сохтмончиён ошёнаи якуми биноро ба анҷом расонида, корҳои сохтмониро дар ошёнаи дуюм идома дода истодаанд.
ҶДММ «Ниагара-А» дар маҳаллаи ҳаштуми Ҷамоати деҳоти Кӯлоб ба сохтмони бинои муассисаи томактабӣ барои 300 нафар кӯдак машғул мебошад. Дар ин иншоот 14 нафар мутахассисон ва техникаи соҳавӣ фаъолият доранд. Дар ҳамин маҳалла сохтмони бинои филиали Донишкадаи такмили ихтисоси кормандони соҳаи маориф дар шаҳри Кӯлоб бо фармоиши Филиали раёсати сохтмони асосии вилояти Хатлон аз ҷониби пудратчӣ ҶДММ «Давлатманд» идома дорад.
Дар баробари сохтмони иншоот мақомоти иҷроияи ҳокимияти давлатӣ ба беҳтар намудани инфрасохтори дохили шаҳр ва маҳаллаҳо аҳамияти ҷиддӣ медиҳад. Дар айни замон садҳо метр роҳҳои пиёдагарди шаҳр сафолакпӯш карда шуда, як қисми масолеҳи сохтмонӣ дар таъмири роҳҳои мошингард ва пиёдагарди маҳаллаҳо истифода мешавад. Дар маҳаллаҳои навбунёд садҳо метр роҳҳо сангфарш ва пояҳои чӯбини хатҳои барқ ба пояҳои оҳану бетонӣ иваз карда шудаанд.
Ба иттилои Мақомоти иҷроияи ҳокимияти давлатии шаҳри Кӯлоб, бо ҷалби соҳибкорон дар ҷамоатҳои деҳот сохтмони боз чанд иншооти дигар дар назар аст.
Сулаймон ХОЛЗОДА,
АМИТ «Ховар»
АКС: АМИТ «Ховар»
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Раиси шаҳри Душанбе Рустами Эмомалӣ ба сохтмони якчанд иншооти нави мақомоти корҳои дохилӣ санги асос гузоштанд
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Дар Ҷамоати шаҳраки Шарора корхонаҳои истеҳсоли хишт ва семент ба истифода дода мешаванд
Сарвари давлат Эмомалӣ Раҳмон рамзи «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ»-ро тасдиқ намуданд
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛИ ДАВЛАТӢ БЕНАЗИР АСТ. Ва ё вазифае муҳимтар аз нигаҳдорӣ ва таҳкими истиқлолияти Тоҷикистон нест
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Модели Тоҷикистони навин — самараи таълимоти ҳуқуқии Пешвои миллат
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
