Бар асари ҳодисаҳои фавқулодаи табиӣ ба иқтисодиёти Тоҷикистон беш аз 15 миллион сомонӣ хисорот ворид гардидааст
ДУШАНБЕ, 26.07.2022 /АМИТ «Ховар»/. Соли равон дар Тоҷикистон 606 ҳодисаи фавқулодаи табиӣ ва техногенӣ ба қайд гирифта шуданд, ки 36 ҳодисаи он ба хоҷагии халқ зарари моддӣ расонид. Дар маҷмӯъ ба иқтисодиёти кишвар бар асари ҳодисаҳои фавқулодаи табиӣ ва техногенӣ беш аз 15 миллион сомонӣ хисорот ворид гардид. Дар ин бора Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода имрӯз дар нишасти матбуотӣ ба намояндагони расонаҳои хабарӣ иттилоъ дод.
Рустам Назарзода афзуд, ки «дар натиҷаи офатҳои табиӣ 8 нафар шаҳрвандони мамлакат ба ҳалокат расиданд. Аз ин омор 2 нафар дар натиҷаи омадани сел, 2 нафар ҳангоми фаромадани тарма, 2 нафар дар резиши санг ва 2 нафар зимни ба амал омадани раъду барқ фавтидаанд».
Бар асари ҳолатҳои фавқулодаи табиӣ 88 хонаи истиқоматӣ, аз ҷумла 16 хона пурра, 19 манзил қисман, 179 иншооти ёрирасон, 2 бинои мактаби таҳсилоти умумӣ ва муассисаҳои томактабӣ, 17 пул, 107 гектар замини кишт ва 298 км роҳи мошингард зарар дидаанд.
Зикр гардид, ки ба хонаводаҳои аз офати табиӣ зарардида дар шакли масолеҳи сохтмонӣ, маводи ғизоӣ, бастаҳои беҳдоштӣ ва хоҷагӣ кумакҳо расонида шуданд.
Марзия САИДЗОДА,
АМИТ «Ховар»
АКС: АМИТ «Ховар»
Дар шаҳри Бӯстон мулоқоти ҳамраисони ҳайатҳои ҳукуматии Тоҷикистон ва Қирғизистон баргузор шуд
Дар Душанбе вобаста ба таъминоти бехатарии озуқаворӣ дар занҷираи истеҳсолӣ машварат баргузор гардид
ТАҒЙИРОТ БА ҚОНУН. Ба маоши вазифавии кормандоне, ки дар ҳодисаҳои сӯхтор дар шароити барои саломатӣ зараррасон хизмат мебаранд, ба андозаи 20 дарсад иловапулӣ пешбинӣ карда мешавад
Агентии назорати давлатии молиявӣ ва мубориза бо коррупсия ҳамкориро бо Намояндагии Барномаи рушди СММ дар Тоҷикистон тавсеа мебахшад
ПЕШГИРИИ САДАМАҲО. Вазорати нақлиёти Тоҷикистон бо мусоидати Бонки ҷаҳонӣ дар мавзуи таъмини бехатарии роҳҳо машварат доир намуд
Байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Озарбойҷон барномаи ҳамкорӣ ба имзо расид
Дар Прокуратураи генералии Ҷумҳурии Тоҷикистон доир ба пешгирии тақсимоти ғайриқонунии замин ва сохтмони худсарона ҷаласа баргузор шуд
Дар Прокуратураи генералӣ ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқ доир гардид
Таъмини иҷрои Нақшаи чорабиниҳои амалисозии Стратегияи миллӣ оид ба назорати маводи нашъаовар дар Тоҷикистон баррасӣ шуд
Дар Академияи Вазорати корҳои дохилии Тоҷикистон маросими тантанавии савгандёкунии курсантон баргузор шуд
Дар қисмҳои низомии шаҳри Хоруғ наваскарон савганди садоқат ёд намуданд
Ҷаласаи Комиссияи байниидоравӣ оид ба масъалаҳои ҳифзи сирри давлатӣ ва ҳифзи техникии иттилоот дар Тоҷикистон доир шуд
