Бозии дуюми дӯстона миёни дастаҳои мунтахаби футзали Тоҷикистон ва Узбекистон мусовӣ анҷом ёфт

ДУШАНБЕ, 16.07.2022 /АМИТ «Ховар»/. Бозии дуюми дӯстона миёни дастаҳои мунтахаби футзали Тоҷикистон ва Узбекистон, ки дирӯз, 15 июл дар маҷмааи варзишии «Суғдиёна»-и Ҷиззах баргузор гардид, бо ҳисоби мусовии 2:2 анҷом ёфт. Дар ин бора АМИТ «Ховар» ба Федаратсияи футболи Тоҷикистон хабар медиҳад.

Аз ҳайати дастаи Тоҷикистон бозигари «Соро компания»-и пойтахт Бахтиёр Солиев дубл кард. Голҳоро аз ҳайати дастаи Узбекистон Ҳусниддин Шодмонов ва Дилшод Раҳматов ба самар расониданд.

Қаблан бозии якуми дӯстона миёни футзалбозони Тоҷикистон ва Узбекистон бо ҳисоби 4:4 анҷом ёфта буд.

Бозии санҷишии сеюм дар Ҷиззах миёни дастаҳои Узбекистон ва Тоҷикистон пагоҳ, 17 июл баргузор мешавад.

Вохӯрӣ соати 19:00 оғоз мегардад.

Вохӯриҳои рафиқона миёни мунтахабҳои футзал

Узбекистон – ТОҶИКИСТОН – 4:4

Голҳо: Дилшод Раҳматов, 7 (1:0). Ихтиёр Ропиев, 13 (2:0). Умед Кузиев, 19 (2:1). Ҳусниддин Нишонов, 19 (3:1). Баҳодур Хоҷаев, 26 (3:2). Идрис Ёров, 29 (3:3). Илҳом Ҳамроев, 31 (4:3). Дилшод Саломов, 34 (4:4).

14 июл. Ҷиззах. Маҷмааи варзишии «Суғдиёна».

Узбекистон – ТОҶИКИСТОН – 2:2

Голҳо: Хусниддин Нишонов, 6 (1:0). Бахтиёр Солиев, 27 (1:1). Дилшод Раҳматов, 28 (2:1). Бахтиёр Солиев, 37 (2:2).

15 июл. Ҷиззах. Маҷмааи варзишии «Суғдиёна».

17 июл (якшанбе)

Оғоз – соати 19:00

Узбекистон – ТОҶИКИСТОН

Ҷиззах, Маҷмааи варзишии «Суғдиёна»

Акс: ФФТ