Дар фазои ҳавоии Тоҷикистон долон ва хатсайри нав ифтитоҳ гардиданд
ДУШАНБЕ, 09.07.2022 /АМИТ «Ховар»/. Дар фазои ҳавоии Тоҷикистон долони нави ҳавоии FUNSE ва хатсайри ҳавоии Z767 ифтитоҳ гардидааст. Дар ин бора ба хабарнигори АМИТ «Ховар» сардори Маркази асосии низоми ягонаи ташкили ҳаракати ҳавоии Корхонаи воҳиди давлатии /КВД/ «Тоҷикаэронавигатсия» Фирўз Муҳаммадаминшоев иттилоъ дод.
Мавсуф гуфт, ки долони нави ҳавоии FUNSE ва хатсайри ҳавоии Z767 бо пешниҳоди Тоҷикистон дар ҳамкорӣ бо мақомоти авиатсияи граждании Узбекистон дар марзи ҳавоии ду давлат кушода шуд. Ҳадафи ифтитоҳи долони нави ҳавоии FUNSE ва хатсайри ҳавоии Z767 афзоиши шумораи парвозҳои транзитӣ ва рушди авиатсияи гражданӣ мебошад.
Ба гуфтаи Фирӯз Муҳаммадаминошоев, аз долони мазкур метавонанд ширкатҳои ҳавопаймоии хориҷие, ки аз фурудгоҳҳои байналмилалии Душанбе, Бохтар ва Кӯлоб ҳангоми парвозҳои транзитӣ фазои ҳавоии Тоҷикистонро убур мекунанд, истифода намоянд.
Инчунин ифтитоҳи долони нав ба кам намудани масофаи роҳи ҳавоӣ ва сарфаи вақт мусоидат менамояд.
Номи долони нав FUNSE /ФУНСЕ/, ки талафузаш муъҷаз аст, аз каталоги Созмони байналмилалии авиатсияи гражданӣ /ICAO— International Civil Aviation Organization) –ИКАО/, ки Ҷумҳурии Тоҷикистон 23 ноябри соли 1992 ба узвияташ пазируфта шудааст, интихоб гардидааст. То имрӯз аз роҳи ҳавоии Z767 ҳудуди 600 киштии ҳавоӣ транзитӣ парвоз анҷом додаст.
Дар маҷмуъ, дар сарҳадҳои фазои ҳавоии Тоҷикистон бо фазои ҳавоии давлатҳои ҳамҷавор /Узбекистон, Қирғизистон, Чин ва Афғонистон/ 30 долони ҳавоӣ фаъоланд. Мавриди зикр аст, ки дар як шабонарўз ба ҳисоби миёна то 60 парвози транзитии хавопаймоҳо тавассути фазои ҳавоии Тоҷикистон суръат мегирад.
Марзия САИДЗОДА,
АМИТ «Ховар».
АКС: КВД «Тоҷикаэронавигатсия»
Дар Афғонистон 1,4 миллион духтар аз таҳсил дар мактаб дур мондаанд
Дар ноҳияи Айнӣ пайомадҳои офати табиӣ бартараф мегарданд
Пагоҳ дар Душанбе Иди тарбуз, харбуза ва каду баргузор мегардад
«Худшиносӣ – омили таҳкимбахши давлатдории миллӣ». Таҳти ин унвон дар шаҳри Гулистон вохӯрӣ баргузор гардид
Имрӯз дар Тоҷикистон ҳаво то 36 дараҷа гарм мешавад
Дар Афғонистон ба занон сурудхонӣ ва қироат бо садои баланд дар ҷойҳои ҷамъиятӣ манъ карда шуд
Дар ноҳияи Ванҷ бахшида ба ташаббусҳои ҷаҳонии Тоҷикистон конфронси ҷумҳуриявӣ доир гардид
Имрӯз дар шаҳри Душанбе ҳаво то 36 дараҷа гарм мешавад
Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
22-23 август дар баъзе минтақаҳои кӯҳии Тоҷикистон омадани сел дар назар аст
Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
