Дар Мусобиқаи байналмилалии «Grand Slam Hungary 2022» Беҳрӯз Хоҷазода ва Комроншоҳ Устопириён ҷои ҳафтумро гирифтанд
ДУШАНБЕ, 12.07.2022 /АМИТ «Ховар»/. Аз 8 то 10 июл Мусобиқаи байналмилалии ҷудо — «Grand Slam Hungary 2022» баргузор гардид, ки дар он варзишгарони тоҷик Беҳрӯз Хоҷазода ва Комроншоҳ Устопириён ба гирифтани ҷои ҳафтум шарафёб гардиданд. Дар ин бора АМИТ «Ховар» бо истинод ба Кумитаи миллии олимпӣ хабар медиҳад.
Дар дуюмин мусобиқаи интихобии олимпӣ 406 варзишгар (244 мард, 162 зан) аз 61 давлат ширкат карданд. Аз ҷумла, аз ҷумҳурии мо 5 нафар – Муҳаммад Маҳмадизода (-60кг), Шаҳбоз Саидаброров (-66кг), Беҳрӯз Хоҷазода (-73кг), Комроншоҳ Устопириён (-90кг) ва Ҷаҳонгир Маҷидов (-90кг) ба Будапешт сафарбар гардиданд. Варзишгарони мо натавонистанд сазовори медал шаванд, аммо Беҳрӯз ва Комроншоҳ ҷои ҳафтумро гирифтанд.
Беҳрӯз дар вазни -73 кг қувваозмоиро аз даври дуюм шуруъ карда, бар намояндаи Булғористон Марк Ҳристов, дар даври сеюм бар варзишгари Олмон Игор Вандтке пирӯз шуд, вале дар чорякфинал аз варзишгари Озарбойҷон Ҳидоят Ҳайдаров (ғолиби ин вазн) ва дар қуввасанҷии тасаллобахш аз Тоҳар Битбули исроилӣ мағлуб гашт.
Комроншоҳ низ дар вазни -90 кг нерусанҷиро аз даври дуюм оғоз карда, варзишгари Муғулистон Мунхбайар Баттогтох, дар даври сеюм намояндаи Гурҷистон Ника Харазишвилиро мағлуб кард, вале дар чорякфинал аз намояндаи Бразил Рафаэл Македо ва дар қувваозмоии тасаллобахш аз варзишгари кишвари мизбон Гергилӣ Нерпел шикаст хурд.
Варзишгари дигарамон дар вазни -90кг Ҷаҳонгир Маҷидов дар ду давр бар варзишгарони Чехия (Давид Кламмерт) ва Қазоқистон (Ерасил Жанатаев) дастболо шуд, вале дар даври сеюм аз намояндаи Гурҷистон Бека Гвиниашвилӣ мағлуб гардид.
Муҳаммад Маҳмадизода низ дар вазни -60кг дар даври дуюм (дар даври аввал озод буд) намояндаи Ветнам Дук Дат Чуро шикаст дод, вале дар даври сеюм аз варзишгари Муғулистон Ариунболд Енхтаиван шикаст хўрд.
Дар ин мусобиқа бештари медалҳоро Ҷопон ба даст овард – 8 тилло, 1 биринҷӣ. Италия бо 1 тилло, 2 нуқра, 1 биринҷӣ – ҷои дуюм ва Бразил 1 тилло, 1 нуқра, 1 биринҷӣ ҷои сеюмро сазовор шуданд. Тоҷикистон бо 2 ҷои ҳафтум миёни 61 давлат дар ҷои 34-ум мавқеъ гирифт.
АКС: КМО Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
