Дар шаҳри Душанбе маркази шоҳмот ба истифода дода шуд
ДУШАНБЕ, 20.07.2022 /АМИТ «Ховар»/. 20 июл ба муносибати Рӯзи байналмилалии шоҳмот бо ибтикори Федератсияи шоҳмоти Тоҷикистон дар шаҳри Душанбе маркази шоҳмот ба истифода дода шуд, хабар медиҳад АМИТ «Ховар» бо истинод ба Кумитаи миллии олимпии Тоҷикистон.
Тавре иттилоъ дода шуд, марказ бо дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Президенти Кумитаи миллии олимпии Тоҷикистон муҳтарам Эмомалӣ Раҳмон таъсис ёфта, дар он наврасону ҷавонон имкон доранд ба варзиши зеҳнӣ машғул шаванд.
Дар маросими ифтитоҳи марказ раиси Федератсияи иттифоқҳои касабаи Тоҷикистон Маликшо Неъматзода, муовини раиси Кумитаи кор бо ҷавонон ва варзиш Парвиз Собирзода, котиби генералии Кумитаи миллии олимпии Тоҷикистон Муҳаммадшо Абдуллозода ва роҳбарияти Федератсияи шоҳмот ширкат карданд.
Марказ аз толори бузург, толори хурд ва ҳуҷраҳои корӣ иборат мебошад. Шогирдон дар ин ҷо бозии шоҳмотро метавонанд бо забонҳои хориҷӣ омӯзанд. Ҳамчунин минбаъд мусобиқаҳои шоҳмот дар ин марказ баргузор хоҳанд шуд.
Котиби генералии Федератсияи шоҳмоти Тоҷикистон Илҳом Юнусов бо хушнудӣ хабар дод, ки яке аз беҳтарин шоҳмотбозони ҷумҳурӣ Фаррух Амонатов ба ҳайси сармураббии дастаи мунтахаби шоҳмоти Ҳиндустон фаъолият дорад.
Феълан дастаи мунтахаби шоҳмоти Тоҷикистон ба Олимпиадаи байналмилалии шоҳмот, ки 28 июл дар Ҳиндустон оғоз мегардад, омодагӣ мебинанд. Дар Олимпиада иштироки 187 дастаи мардон ва 162 дастаи бонувон дар назар аст.
Ёдовар мешавем, ки Рӯзи байналмилалии шоҳмот бо ташаббуси Федератсияи ҷаҳонии шоҳмот, ки 20 июли соли 1924 таъсис ёфтааст, аз соли 1966 ҷашн гирифта мешавад. Тибқи маълумоти Федератсияи ҷаҳонии шоҳмот, имрӯз дар ҷаҳон ҳудуди 700 миллион нафар калонсолон ба таври доимӣ шоҳмотбозӣ мекунанд. Рӯзи байналмилалии шоҳмотро дар 178 давлати дунё ҷашн мегиранд. Таҳти ҳимояти Федератсияи ҷаҳонии шоҳмот дар ин рӯз чорабиниҳо ва мусобиқаҳои шоҳмот баргузор карда мешаванд.
АКС: КМО Тоҷикистон
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
