ДАР ТОҶИКИСТОН ЛОИҲАИ НЕРУГОҲҲОИ ОФТОБӢ ТАҲИЯ МЕГАРДАД. Оид ба ин ва дигар тадбирҳои соҳаи энергетикии ҶТ Далер Ҷумъа ба иштирокчиёни ҷаласаи Шӯрои энергетикии ИДМ маълумот дод
ДУШАНБЕ, 15.07.2022 /АМИТ «Ховар»/. Дирӯз, 14 июл дар шаҳри Нур-Султон, пойтахти Ҷумҳурии Қазоқистон ҷаласаи 60-уми Шӯрои энергетикии ИДМ бо иштироки намояндагони Қазоқистон, Русия, Тоҷикистон, Озарбойҷон, Қирғизистон, Арманистон, Беларус, Молдова, Узбекистон ва Туркманистон дар мавзуи «Саҳми саноати энергетикии камкарбон дар рушди устувори ИДМ бо дарназардошти масъалаҳои амнияти энергетикӣ» баргузор гардид, ки дар кори он ҳайати Тоҷикистонро Далер Ҷумъа – Вазири энергетика ва захираҳои об роҳбарӣ намуд, иттилоъ медиҳад хабарнигори АМИТ «Ховар».
«Дар доираи кори ҷаласа масъалаҳои мубрами рушди саноати барқи устувор, кам намудани газҳои гулхонагӣ, ҳамкории кишварҳои ИДМ дар соҳаи энергияи таҷдидшаванда бо дарназардошти таъмини амнияти энергетикии миллӣ ва минтақавӣ баррасӣ шуда, як қатор ҳуҷҷатҳо, ки Шӯрои ҳамоҳангсозии назди Шӯрои электроэнергетикии ИДМ пешниҳод кардааст, баррасӣ гардиданд», — хабар доданд ба мухбири АМИТ «Ховар» дар Вазорати энергетика ва захираҳои оби Тоҷикистон.
Зимни суханронии худ Вазири энергетика ва захираҳои оби ҶТ Далер Ҷумъа, аз ҷумла иброз дошт, ки Тоҷикистон тадбирҳои судманду заруриро ҷиҳати баланд бардоштани тавлиди «энергияи сабз» минбаъд низ идома хоҳад дод. Зеро, тағйирёбии иқлим ва равандҳои босуръати гармшавии ҷаҳонӣ ба дурнамои рушди минтақавии энергетикӣ низ таъсири бевоситаи худро гузошта истодаанд.
«Ин равандҳо барои соҳаи электроэнергетикаи Тоҷикистон низ паёмадҳои манфӣ доранд, — иброз дошт Далер Ҷумъа. — Зеро дар Тоҷикистон миқдори зиёди об барои неругоҳҳои барқи обӣ маҳз аз ҳисоби пиряхҳо, ки бо суръати баланд об шуда истодаанд, истифода мегардад. Ба ақидаи коршиносон, пиряхҳои Тоҷикистон давоми асри ХХ тақрибан 30 дарсади ҳаҷми худро аз даст додаанд».
Ба гуфтаи Вазир, барои мутобиқ шудан ба воқеиятҳои мавҷуда Тоҷикистон нақша дорад, ки тавлидотро тавассути ҷорӣ кардани манбаъҳои барқароршавандаи энергия афзоиш диҳад. Бо дастгирии шарикони рушд лоиҳаи якчанд неругоҳҳои офтобӣ бо иқтидори умумии 460 МВт таҳия шуда истодаанд.
«Тоҷикистон барои афзоиши ҳаҷми тавлиди энергияи тоза, коҳиш додани партовҳои CO2 ва ноил шудан ба ҳадафҳои миллӣ минбаъд низ кўшиш ба харҷ хоҳад дод», — зикр намуд дар охир Вазир.
София ШОИК,
АМИТ «Ховар»
АКС: АМИТ«Ховар»
Пешвои миллат дар таҳкими мақоми Зан-Модар дар ҷомеи Тоҷикистон нақши намоён доранд
Модар олиҳаи накугавҳар ва азизтарин шахсияти башар аст
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
