Фирӯз Мирзораҷабов дар Чемпионати Осиё оид ба гӯштини юнонӣ-римӣ медали биринҷӣ ба даст овард
ДУШАНБЕ, 07.07.2022 /АМИТ «Ховар»/. Узви дастаи мунтахаби гўштини юнонӣ-римии Тоҷикистон Фирӯз Мирзораҷабов дар Чемпионати Осиё миёни ҷавонон сазовори медали биринҷӣ гардид. Дар ин бора шореҳи варзиши АМИТ «Ховар» Меҳрони Қурбон бо истинод ба Кумитаи миллии олимпии Тоҷикистон хабар медиҳад.
Чемпионати Осиё оид ба гўштин миёни наврасон то 15-сола ва ҷавонон то 20-сола 2 июл дар шаҳри Манамаи Баҳрайн оғоз гардида, то 10 июли соли равон идома меёбад.
Мавриди зикр аст, ки Фирӯз Мирзораҷабов дар вазни -60кг қувваозмоиро аз чорякфинал оғоз карда, бар варзишгари Узбекистон Акмал Ҳамроев ғолиб омад, вале дар нимфинал аз намояндаи Қирғизистон Оқил Сулаймонов мағлуб гардид. Ӯ сипас дар қувваозмоӣ барои ҷои сеюм варзишгари Тайпейи Чин Йонг Сианг Суро шикаст дода, мақоми сеюми ифтихориро сазовор шуд.
Варзишгари дигарамон дар ин равия Шероз Очилов дар вазни -72кг дар чорякфинал аз намояндаи Кореяи Ҷанубӣ Минсео Оҳ мағлуб гардида, аз идомаи сабқатҳо маҳрум шуд. Чемпионати Осиё миёни ҷавонон то 20-сола бо қувваозмоиҳо миёни бонувон ва писарон дар гўштини тарзи озод идома меёбад. Миёни писарон як варзишгари мо — Саидасан Ашрафхонов 10 июл дар вазни -74кг гўштин мегирад.
АКС: КМО Тоҷикистон
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
