ФУТБОЛ. Мунтахаби ҷавонони Тоҷикистон (U-20) бо дастаи Арабистони Саудӣ бозиҳои дӯстона доир мекунад
ДУШАНБЕ, 10.07.2022 /АМИТ «Ховар»/. Дастаи ҷавонони Тоҷикистон (U-20) оид ба футбол дар доираи омодагӣ ба марҳилаи интихобии Ҷоми Осиё-2023 таҳти роҳбарии сармураббӣ Аҳлиддин Турдиев бо ҳамсолони худ аз Арабистони Саудӣ ду бозии дӯстона баргузор мекунад. Ин вохӯриҳо рӯзҳои 14 ва 16 июл дар шаҳри Абҳаи Арабистони Саудӣ доир мешаванд. Дар ин бора ба АМИТ «Ховар» дар Федератсияи футболи Тоҷикистон хабар доданд.
Ба ҷуз аз бозиҳои дӯстона бо Арабистони Саудӣ, мунтахаби ҷавонони мо дар чемпионати Ассотсиатсияи футболи Осиёи Марказӣ (CAFA), ки аз 3 то 12 август дар Душанбе баргузор мешавад, ширкат хоҳад кард.
Бояд гуфт, ки дар марҳилаи интихобии Ҷоми Осиё-2023 мунтахаби ҷавонони Тоҷикистон (U-20) дар гурӯҳи «I» шомил ҳаст. Рақибони дастаи мо тимҳои миллии Камбоҷа, Лубнон ва Сингапур мебошанд. Бозиҳои интихобӣ аз 14 то 18 сентябр дар шаҳри Душанбе баргузор мешаванд.
Ғолибони даҳ гурӯҳи интихобӣ ва панҷ дастаи беҳтарини дар ҷойи дуюм қарор гирифта ба қисми ниҳоии Ҷоми Осиё-2023 миёни ҷавонон, ки аз 1-ум то 18-уми марти соли оянда дар Узбекистон баргузор мешавад, роҳ меёбанд.
Вохӯриҳои рафиқона
14 июл (панҷшанбе)
Арабистони Саудй – ТОҶИКИСТОН
Абҳа, Арабистони Саудӣ
16 июл (шанбе)
Арабистони Саудӣ – ТОҶИКИСТОН
Абҳа, Арабистони Саудӣ
Акс: ФФТ
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
