ФУТБОЛ. Тими мунтахаби занонаи Тоҷикистон дар Чемпионати CAFA-2022 иштирок мекунад
ДУШАНБЕ, 04.07.2022 /АМИТ «Ховар»/. Тими мунтахаби занонаи Тоҷикистон таҳти роҳбарии сармураббӣ Юсуф Рабиев дар мусобиқаи қаҳрамонии Ассотсиатсияи футболи Осиёи Марказӣ (CAFA), ки аз 8 то 20 июл дар шаҳри Душанбе баргузор мешавад, ширкат мекунад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дар нахустин чемпионати CAFA миёни тимҳои мунтахаби занона панҷ даста -Тоҷикистон, Эрон, Узбекистон, Қирғизистон ва Туркманистон ширкат мекунанд.
Барои тими миллии Туркманистон ин нахустин иштирок дар мусобиқаи таҳти сарпарастии Ассотсиатсияи футболи Осиёи Марказӣ пас аз пандемия хоҳад буд.
Дар маҷмӯъ, дар доираи Чемпионати CAFA-2022 миёни тимҳои мунтахаби занона даҳ бозӣ баргузор мешавад. Ҳама бозиҳо дар Варзишгоҳи марказии Душанбе доир мегарданд.
Тибқи низомнома, чемпионати Ассотсиатсияи футболи Осиёи Марказӣ байни тимҳои занона аз рӯйи системаи даврӣ дар як марҳила баргузор мешавад. Дастаи ғолиб аз рӯи шумораи бештари холҳо муайян мегардад.
Дар ин рӯзҳо тими занонаи кишвар дар шаҳри Душанбе ҷамъомади омодагӣ-тамринӣ мегузаронад. Ба он сармураббӣ Юсуф Рабиев 30 бозигарро даъват кардааст, ки 23 нафари онҳо ба дархости ниҳоии тим барои ширкат дар Чемпионати CAFA-2022 ворид карда мешаванд.
Чемпионати CAFA-2022 байни дастаҳои миллии занона
Иштирокчиён: ТОҶИКИСТОН, Узбекистон, Эрон, Қирғизистон, Туркманистон.
Даври 1
8 июл (ҷумъа)
19:00 – Қирғизистон – Эрон
22:00 – Туркманистон – ТОҶИКИСТОН
Даври 2
11 июл (душанбе)
19:00 – Туркманистон – Қирғизистон
22:00 – ТОҶИКИСТОН – Узбекистон
Даври 3
14 июл (панҷшанбе)
19:00 – Узбекистон – Туркманистон
22:00 – Эрон – ТОҶИКИСТОН
Даври 4
17 июл (якшанбе)
19:00 – Эрон – Туркманистон
22:00 – Қирғизистон – Узбекистон
Даври 5
20 июл (чоршанбе)
19:00 – Узбекистон – Эрон
22:00 – ТОҶИКИСТОН – Қирғизистон
Акс: ФФТ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
