Гӯштингирони тоҷик дар Чемпионати Осиё ширкат мекунанд

ДУШАНБЕ, 04.07.2022 /АМИТ «Ховар»/. Аз 2 то 10 июл дар шаҳри Манамаи Баҳрайн Чемпионати Осиё оид ба гӯштин миёни наврасон (U15) ва ҷавонон (U20) баргузор мешавад. Дар ин бора АМИТ «Ховар» бо истинод ба  Кумитаи миллии олимпии Тоҷикистон хабар медиҳад.

Ба иттилои Федератсияи гӯштини Тоҷикистон, ҷумҳурии моро дар чемпионат 5 нафар миёни наврасон ва 3 нафар миёни ҷавонон намояндагӣ мекунанд:

Наврасони то 15-сола
Гӯштини тарзи озод
Идрисҷон Баҳромов (48кг)
Алиризо Баҳромов (68кг)

Гуштини юнонӣ-римӣ
Амон Аюбзода (52кг)
Муҳаммад Абдуҳакимзода (62кг)
Исо Нурмаҳмадов (68кг)

Ҷавонони то 20-сола
Гуштини тарзи озод
Саидасан Ашрафхонов (74кг)

Гуштини юнонӣ-римӣ
Фирӯз Мирзораҷабов (60кг)
Шероз Очилов (72кг)

Тибқи низомнома қувваозмоиҳо миёни наврасон 2-4 июл ва миёни ҷавонон 5-10 июл баргузор мешавад.

АКС: КМО Тоҷикистон