Медали 5-умин Бозиҳои ҳамбастагии исломӣ муаррифӣ гардид
ДУШАНБЕ, 14.07.2022 /АМИТ «Ховар»/. Кумитаи тадорукоти 5-умин Бозиҳои ҳамбастагии исломӣ як моҳ қабл аз маросими ифтитоҳ медали бозиҳоро муаррифӣ кард, хабар медиҳад АМИТ «Ховар» бо истинод ба Кумитаи миллии олимпии Тоҷикистон.
5-умин Бозиҳои ҳамбастагии исломӣ аз 9 то 18 августи соли 2022 дар Қунияи Туркия баргузор мешавад. Дар он иштироки варзишгарони 56 кишвари ҷаҳон дар назар аст, ки барои 483 медал дар 24 намуди варзиш талош мекунанд. Аз ҷумла иштироки ҳайати олимпии Тоҷикистон дар бозиҳо дар назар аст.
Дар рӯи медал ба ғайр аз рамзи бозиҳо нақши гули мерам акс ёфтааст. Гуле, ки дар сояҳои дурахшони зарду норинҷӣ навъҳои гуногун ва бо баргҳои нарму махмалии худ намуди зебо дорад. «Ситораи Салҷуқӣ» дар атрофи рамз ва нақш печонида шудааст. Ситораи ҳаштгўша рамзи ҳашт дарвозаи осмон аст, ки ҳар як гӯшаи ситора яке аз ҳашт хусусиятҳои гуногунро ифода мекунад. Нақши салҷуқӣ бо ҳашт гӯшаи мухталифаш рамзи шафқат, муҳаббат, сабр, хирад (нигоҳ доштани асрор), саховатмандӣ, садоқат, шукрона ва ростгӯиро ифода мекунад.
Унсури дигаре, ки дар медал нақш ёфтааст, хӯшаи гандум мебошад.
Дар пушти медал нишони Федератсияи варзишии ҳамбастагии исломӣ (ISSF) ва номи бозиҳо мавҷуд аст.
АКС: КМО Тоҷикистон
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
