Паҳлавонони тоҷик ба даври ¼-ниҳоии Чемпионати Осиё миёни ҷавонон роҳ ёфтанд
ДУШАНБЕ, 21.07.2022 /АМИТ «Ховар»/. Тавре қаблан хабар додем, Чемпионати Осиё оид ба гӯштини дзюдо миёни ҷавонон 20-21 июл дар пойтахти Тайиланд — шаҳри Бангкок ҷараён дорад. Дар рӯзи дуюми Чемпионати Осиё миёни ҷавонон ду паҳлавони шинохтаи тоҷик — Сунатулло Лоиқов ва Муҳаммадҷон Абдуҷалилов- ҳарду дар вазни то 81 кг ҳунарнамоӣ карданд. Дар ин бора шореҳи варзиш Муродалӣ Тешаев ба хабарнигори АМИТ «Ховар» Меҳрони Қурбон иттилоъ дод.
Нахуст Сунатулло Лоиқов дар даври аввали рақобатҳо бо варзишгари Тайпеи Чин – Ли Вей Сун рӯи татамӣ мубориза бурд. Дар сонияҳои охири рақобат Сунатулло бо имтиёзи иппон муқобили ин варзишгари таҷрибадор зафар ёфт ва ба даври 1/4-ниҳоии Чемпионати Осиё миёни ҷавонон оид ба дзюдо роҳ ёфт. Муҳаммадҷон Абдуҷалилов дар вазни то 81 кг бо шикаст додани Парвендер Парвенд аз Ҳиндустон ба марҳилаи ¼-ниҳоии Чемпионати Осиё миёни ҷавонон баромад.
Ёдовар мешавем, ки дирӯз варзишгари дигари тоҷик Суруш Эркаев барои ба даст овардани медали биринҷии вазни то 60 кг бо варзишгари муғул Мандсайхан Нйамсурен рақобат карда, бо имтиёзи иппон шикаст хӯрд ва дар Чемпионати Осиё миёни ҷавонон оид ба гӯштини дзюдо зинаи 5-умро соҳиб шуд.
То ба ин марҳила расидан варзишгари тоҷик Суруш Эркаев бар Алҳассан Сугҳаййир аз Арабистони Саудӣ, Каттион Фуинои аз Тайланд ва Нурканат Серикбайевро ғолиб омода буд.
Мавриди зикр аст, ки дар мусобиқаи мазкур варзишгарони соли таваллудашон 2002-2007 аз рӯи 14 вазн (бонувон: -48кг, -52кг, -57кг, -63кг, -70кг, -78кг, +78кг; мардон: -60кг, -66кг, -73кг, -81кг, -90кг, -100кг, +100кг) ширкат меварзанд.
Ба ин мусобиқаи сатҳи баланд аз Ҷумҳурии Тоҷикистон 3 варзишгари шинохта – Сируш Эркаев дар вазни то 60кг, Сунатулло Лоиқов ва Муҳаммадҷон Абдуҷалилов- ҳарду дар вазни то 81кг сарфарбар гардидаанд.
Ба иттилои Федератсияи байналмилалии дзюдо (IJF), дар чемпионати мазкур 163 варзишгар аз 15 кишвари қораи Осиё ширкат доранд.
АКС: Федератсияи дзюдои Тоҷикистон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
