Парлумони Тоҷикистон бозпурсӣ тавассути интернетро қонунӣ кард

Июль 25, 2022 12:30

ДУШАНБЕ, 25.07.2022 /АМИТ «Ховар»/. Муфаттишони тоҷик ҳуқуқ пайдо карданд, ки бозпурсии ҷабрдидагон ва шоҳидонеро, ки дар хориҷ аз Тоҷикистон қарор доранд, бо истифода аз интернет тариқи реҷаи фосилавӣ, аз ҷумла тавассути почтаи электронӣ ва дигар мессенҷерҳоро баргузор намоянд. Ин тағйиру иловаҳо дар иҷлосияи 11-уми Маҷлиси миллии Маҷлиси Олии Ҷумҳурии Тоҷикистон, ки 15 июл таҳти раёсати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ баргузор гардид, ба Кодекси мурофиавии ҷиноятии кишвар ворид карда шуданд.

Тавре Раиси кумитаи Маҷлиси миллии Маҷлиси Олӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният Дилшод Раҳмон шарҳ дод, ба моддаи 197 қисми 2 ворид карда шудааст, ки тибқи он, агар шоҳид ё ҷабрдида берун аз кишвар бошад, бозпурсӣ метавонад ба таври фосилавӣ анҷом дода шавад.

Ӯ тазаккур дод, ки суҳбат бо истифода аз телеиртибот ва почтаи электронӣ сурат гирифта, дар он шахсони бетараф низ метавонанд иштирок намоянд.

Маврид ба зикр аст, ки ин тағйирот дар ҳоле ворид мегардад, ки тибқи маълумоти Вазорати корҳои дохилии Тоҷикистон, коҳиши ҷинояткорӣ ба қайд гирифта мешавад.

Дар шаш моҳи соли 2022 дар кишвар 12 482 ҷиноят ба қайд гирифта шудааст, дар ҳоле ки як сол пеш 1396 адад зиёд буд.

Ба иттилои ВКД, ҳамин тариқ, сатҳи ҷинояткорӣ 10% коҳиш ёфтааст.

Илова бар ин, кормандони вазорат 1447 нафар ҷинояткорони дар ҷустуҷӯ қарордоштаро дастгир намуданд.

АКС аз бойгонӣ

Июль 25, 2022 12:30

Хабарҳои дигари ин бахш

Муовини Раиси Маҷлиси намояндагони Тоҷикистон дар форуми байналмилалӣ бахшида ба дӯстии халқҳои Чин ва Осиёи Марказӣ иштирок намуд
Ҷаласаи комиссияи доимии Ассамблеяи байнипарлумонии ИДМ оид ба маориф, мудофиа ва амният доир шуд
Дар Душанбе ҳамкории байнипарлумонии Тоҷикистон ва Гурҷистон баррасӣ гардид
Робитаҳои байнипарлумонии Тоҷикистон ва Қазоқистон густариш меёбанд
Вакилони Маҷлиси намояндагон дар ҳамоиш доир ба масоили тағйирёбии иқлим дар Алмаато иштирок намуданд
Тоҷикистон ва Озарбойҷон ба ҳамкории байнипарлумонӣ тақвият мебахшанд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Милли Меҷлиси Ҷумҳурии Озарбойҷон Соҳиба Ғаффорова мулоқот намуданд
Раиси палатаи болоии парлумони Озарбойҷон ба Тоҷикистон омад
МУРОҶИАТНОМАИ Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон ба сокинони мамлакат
Дар Душанбе бахшида ба 30-солагии Иҷлосияи 16-уми Шӯрои Олии Ҷумҳурии Тоҷикистон конференсияи ҷумҳуриявӣ доир шуд
Ҳамкории парлумонии Тоҷикистон ва Арабистони Саудӣ тавсеа меёбад
Дар Душанбе ҳамкории парлумонии Тоҷикистон ва Озарбойҷон баррасӣ гардид