Прокуратураи генералии Русия ба суд даъво пешниҳод кард, ки Ҳизби наҳзати исломии Тоҷикистон террористӣ эътироф гардад
ДУШАНБЕ, 30.07.2022 /АМИТ «Ховар»/. Прокуратураи генералии Русия барои террористӣ эътироф намудани Ҳизби наҳзати исломии Тоҷикистон (ҲНИТ) ба суд даъво пешниҳод кардааст. Тавре АМИТ «Ховар» бо истинод ба «РИА Новости» иттилоъ медиҳад, дар ин бора Прокурори генералии Федератсияи Русия Игор Краснов хабар дод.
«Моҳи июн дар ҷаласаи Шӯрои ҳамоҳангсози прокуратураҳои генералии кишварҳои узви ИДМ дар Минск як қатор қарорҳо қабул кардем, ки ба баланд бардоштани амнияти кишварҳои Иттиҳод нигаронида шудаанд. Мо аллакай бар зидди Ҳизби наҳзати исломии Тоҷикистон даъвои дахлдор пешниҳод намудем», — гуфт Игор Краснов.
Ёдовар мешавем, ки то соли 2015 ҲНИТ ягона ҳизби сиёсии исломӣ дар фазои пасошӯравӣ буд, ки қонунан фаъолият мекард. Барои иштироки роҳбарияти ҲНИТ дар кӯшиши табаддулоти мусаллаҳона дар ҳамон сол 14 узви ин ҳизб ба муҳлатҳои тӯлонӣ ва ду нафар ба ҳабси абад маҳкум шуданд.
Суди Олии Тоҷикистон соли 2015 бо даъвои Прокуратураи генералии Тоҷикистон Ҳизби наҳзати исломиро террористию экстремистӣ эътироф намуда, фаъолияти онро дар қаламрави ҷумҳурӣ мамнӯъ кард. Илова бар ин, ҳизб ба феҳристи созмонҳои террористии Сохтори минтақавии зиддитеррористии СҲШ шомил карда шудааст.
ДАР АКС: бинои Прокуратураи генералии ФР дар кӯчаи Петровкаи шаҳри Москва. Акс аз бойгонии «РИА Новости»
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
