АЗ-ЗАВОҲИРӢ ДАР АФҒОНИСТОН КУШТА ШУД. Байден амалиёти ИМА-ро барои нобуд кардани роҳбари «Ал-Қоида» комилан муваффақона хонд
ДУШАНБЕ, 02.08.2022 /АМИТ «Ховар»/. Дирӯз, 1 август Президенти ИМА Ҷо Байден дар бораи кушта шудани роҳбари гурӯҳи исломии «Ал-Қоида»* Айман Завоҳирӣ дар Афғонистон хабар дод. Байден бар ин назар аст, ки амалиёти ИМА дар Кобул барои нобуд кардани роҳбари созмони террористии «Ал-Қоида»* аз ҳама ҷиҳат муваффақона анҷом ёфт. Дар ин бора АМИТ «Ховар» бо истинод ба «Reuters» хабар медиҳад.
«Амалиёт муваффақона гузашт. Ҳеҷ нафар аз аъзои хонаводаи ӯ (аз-Завоҳирӣ – тавз. АМИТ «Ховар») ва миёни сокинони осоишта осеб надидааст . Ман ин хабарро ҳоло пас аз тасдиқи анҷоми муваффақонаи амалиёт ба ҳама мерасонам», — гуфт Байден.
Ӯ таъкид намуд, ки роҳбари ин гурӯҳи террористиро хадамоти иктишофии Амрико аввалҳои соли равон дар Кобул пайдо кард.
Ба гуфтаи Президенти Амрико, ИМА «ҳеҷ гоҳ намегузорад, ки Афғонистон дубора ба паноҳгоҳи террористон табдил ёбад».
«Мо ба ин роҳ намедиҳем», — илова кард ӯ. Тавре Президент тазаккур дод, «гузаронидани амалиёт далели равшани ин гуфтаҳост».
«Маъмурияти ман минбаъд низ таҳдидҳои «Ал-Қоида»-ро таҳти назорати қатъӣ қарор хоҳад дод ва новобаста аз он ки онҳо аз куҷо сар мезананд, вокуниш нишон медиҳад», — гуфт ӯ.
ДАР АКС: аз-Завоҳирӣ
Дар нишасти хабарии махсус намояндаи расмии Кохи Сафед гуфт, ки рӯзи якшанбеи гузашта ба манзиле дар пойтахти Афғонистон, ки Завоҳирӣ вақтҳои охир пинҳон шуда буд, зарбаи дақиқ зада шуд. «Тӯли чанд моҳ эътимоди мо ба он ки Завоҳирӣ дар ин макон дар Кобул аст, зиёд шуд. Муддати зиёд мо Завоҳириро дар пешайвон медидем, ки оқибат ба ӯ дар он ҷо зарба зада шуд», — тазаккур дод ӯ.
Ба гуфтаи ӯ, ду мушаки «Hellfire» аз ҳавопаймои бесарнишин партоб шудаанд. Дар натиҷаи ин ҳамла на хешовандони Завоҳирӣ, ки дар хона буданд ва на сокинони осоиштаи атроф осеб надидаанд. Амалиёти махсус бар зидди Завоҳирӣ нахустин ҳамлаи Амрико ба «Ал-Қоида»* дар Афғонистон пас аз хуруҷи неруҳои ИМА дар моҳи августи соли гузашта гардид.
Завоҳирӣ созмондиҳандаи ҳамлаҳои 11 сентябри соли 2001 ба ИМА эътироф шуда, аз он замон дар ҷустуҷӯ қарор дошт. Ӯ пас аз кушта шудани Усома бин Лодин дар Покистон соли 2011 (дар натиҷаи амалиёти махсуси Амрико) «Ал-Қоида»*-ро роҳбарӣ мекард. ИМА барои маълумот дар бораи макони будубоши Завоҳирӣ 25 миллион доллар ҷоиза таъйин карда буд.
________________________
* Созмони террористии мамнуъ дар Тоҷикистон ва соири кишварҳои ҷаҳон
Акс: AFP 2022
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
Ҳабибулло Воҳидзода бо Прокурори генералии Ҷумҳурии Озарбойҷон Камран Алиев мулоқот намуд
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 55 фоиз иҷро шуд
Дар вилояти Хатлон нақшаи даъвати тирамоҳӣ 76 фоиз иҷро гардид
