Барои раисони ҷамоатҳои шаҳраку деҳоти Тоҷикистон давраи сайёри таҷрибаомӯзӣ оғоз ёфт
ДУШАНБЕ, 23.08.2022 /АМИТ «Ховар»/. Дар шаҳри Ҳисор барои раисони ҷамоатҳои шаҳраку деҳоти шаҳрҳои Ҳисор ва Истаравшан, ноҳияҳои Нуробод, Вахш ва Шамсиддини Шоҳин аз рӯи барномаи «Нақши ҷамоатҳои шаҳрак ва деҳот дар рушди иҷтимоию иқтисодии маҳал» давраи сайёри таҷрибаомӯзӣ ифтитоҳ ёфт, ки то 24 август идома меёбад, иттилоъ доданд ба АМИТ «Ховар» дар Мақомоти иҷроияи ҳокимияти давлатии шаҳри Ҳисор.
Давраи омӯзишӣ дар асоси нақшаи чорабиниҳое, ки аз ҷониби Дастгоҳи иҷроияи Президенти Ҷумҳурии Тоҷикистон бо Қарори Шӯрои олимони Академияи идоракунии давлатии назди Президенти Ҷумҳурии Тоҷикистон дар мувофиқа бо Агентии хизмати давлатии назди Президенти Ҷумҳурии Тоҷикистон тасдиқ гардидааст, гузаронида мешавад.
Раиси шаҳри Ҳисор Қосим Роҳбар дар маросими оғози давраи сайёри омӯзишӣ гуфт, ки Мақомоти иҷроияи ҳокимияти давлатии шаҳри Ҳисор баргузории онро дар доираи татбиқи талаботи Қонуни Ҷумҳурии Тоҷикистон «Дар бораи хизмати давлатӣ» ва ҳамкории судманд бо Агентии хизматии давлатии назди Президенти Ҷумҳурии Тоҷикистон барои баланд бардоштани мақоми шаҳрак ва деҳот дар сохтори давлатдории муосир ҳамаҷониба дастгирӣ менамояд. Ҳамзамон кӯшиш менамояд, ки барои дар сатҳи баланд баргузор гардидани машғулияти амалию омӯзишӣ мусоидат намояд.
Муовини Директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода, муовини Ректори Академияи идоракунии давлатии назди Президенти Ҷумҳурии Тоҷикистон Исмоил Абдуалимзода, Директори Донишкадаи такмили ихтисос ва бозомӯзии хизматчиёни давлатӣ Ибодат Ғанӣ оид ба нақши ҷамоатҳои шаҳраку деҳот дар рушди иҷтимоию иқтисодии маҳал ва масъулияту вазифаҳои раисони ҷамоатҳо дар ин самт сухан намуданд.
Шунавандагони давраи омӯзишӣ ба ҷамоатҳои шаҳраку деҳот сафар менамоянд ва бо фаъолияти соҳаҳои саноат, сохтмон, кишоварзӣ ва таъриху фарҳанг шинос гардида, аз ҶСП «Агротехсервис», боғи интенсивии «Ситабр-Агро», ҶДММ «Корвони Аср», Мамнуъгоҳи таърихию фарҳангии Ҳисор, хоҷагии кишоварзии ба номи Латиф Муродов, Осорхонаи щаҳри Ҳисор боздид менамоянд.
Ҳамчунин бо фаъолияти ҷамоатҳои деҳоти Сомон, Деҳқонобод дар самти ҳуҷҷатнигорӣ шинос гардида, мубодилаи таҷриба менамоянд.
Дар анҷоми таҷрибаомӯзӣ ба шунавандагон Гувоҳнома супорида мешавад.
АКС: Мақомоти иҷроияи ҳокимияти давлатии шаҳри Ҳисор
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
