ЧЕМПИОНАТИ CAFA-2022. Имрӯз ғолиб ва ҷоизадорони мусобиқа муайян мегарданд

Август 12, 2022 10:36

ДУШАНБЕ, 12.08.2022 /АМИТ «Ховар»/. Ғолиб ва ҷоизадорони Чемпионати Ассотсиатсияи футболи Осиёи Марказӣ миёни дастаҳои мунтахаби ҷавонони то 19-сола, ки дар шаҳри Душанбе идома дорад, дар даври ниҳоӣ муайян хоҳанд шуд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

10 август бозиҳои даври чаҳоруми чемпионати CAFA-2022 баргузор шуданд. Дастаи мунтахаби ҷавонони то 19-солаи Тоҷикистон аз дастаи мунтахаби ҷавонони Узбекистон бо ҳисоби 0:3 шикаст хӯрд. Дар бозии дигар дастаҳои мунтахаби ҷавонони то 19-солаи Эрон ва Қирғизистон бо ҳисоби 2:2 бозияшонро мусовӣ анҷом доданд.

Пас аз чаҳор даври бозии чемпионати CAFA-2022 миёни дастаҳои мунтахаби ҷавонони то 19-сола дар ҷадвали мусобиқа дастаи мунтахаби Тоҷикистон бо шаш имтиёз дар садри ҷадвал қарор дорад. Якбора се даста – Эрон, Узбекистон ва Қирғизистон 5-имтиёзӣ доранд. Агар барои дастаи мунтахаби ҷавонони Қирғизистон мусобиқа аллакай анҷом шуда бошад, пас футболбозони Эрон ва Узбекистон бояд як бозии дигар анҷом диҳанд.

Дар даври ниҳоӣ имрӯз, 12 август бозиҳои дастаҳои мунтахаби ҷавонони Афғонистон – Узбекистон (оғоз – соати 18:00) ва Тоҷикистон – Эрон (оғоз – соати 21:00) дар назар аст.

Даромад ба Варзишгоҳи марказии ҷумҳуриявии шаҳри Душанбе ройгон аст.

Чемпионати CAFA-2022 миёни дастаҳои ҷавонони то 19-сола

Даври 4

Узбекистон – ТОҶИКИСТОН – 3:0

Голҳо: Шаҳриёр Ҷабборов, 30 (1:0). Пӯлотхӯҷа Холдорхонов, 70 (2:0). Шаҳриёр Ҷабборов, 76 (3:0).

Тоҷикистон: Сафармад Ғаффоров, Содиқҷон Қурбонов (Салохиддин Иргашев, 78), Раҳматшо Раҳматзода, Шаҳриёри Иноятулло, Фахриддин Ахтамов, Азизбек Ҳаитов (Аббос Андалибов, 78), Кабир Салимшоев (Бежан Нишонбойзода, 61), Абдулло Шарипов (Амирҷони Фаррухзод, 78), Иброҳим Зокиров (Меҳроб Асоев, 78), Салам Ашӯрмамадов, Далер Шарипов (Сунатулло Азизов, 61).

Беҳтарин бозигари бозӣ: Шаҳриёр Ҷабборов (Узбекистон).

10 август. Душанбе. Варзишгоҳи марказии ҷумҳуриявӣ. 5500 тамошобин.

Эрон – Қирғизистон – 2:2

Голҳо: Айтенир Балбаков, 33 (0:1). Эрфан Ғорбанигавашини, 49 (1:1). Биймурза Женишбеков, 53 (1:2). Амин Пилолӣ, 90+7 (2:2).

Беҳтарин бозигари бозӣ: Кристиан Браузман (Қирғизистон).

10 август. Душанбе. Варзишгоҳи марказии ҷумҳуриявӣ. 300 тамошобин.

Дар даври 5-ум вомехӯранд:

12 август (ҷумъа)

18:00 – Афғонистон – Узбекистон

21:00 – ТОҶИКИСТОН – Эрон

Акс: ФФТ

Август 12, 2022 10:36

Хабарҳои дигари ин бахш

Дастаи «Хадамоти гумрук» бозии аввали Ҷоми «Истиқлол»-2022-ро бо ғалаба оғоз намуд
ҶОМИ ОСИЁ ОИД БА ФУТЗАЛ. Имрӯз дастаҳои мунтахаби Тоҷикистон ва Баҳрайн бозӣ мекунанд
Дар Чемпионати ҷаҳон оид ба дзюдо дар Тошканд 9 паҳлавони тоҷик иштирок менамоянд
Варзишгарони тоҷик дар Чемпионати Осиёи Марказӣ оид ба варзиши сабук 8 медал ба даст оварданд
Тоҷикистон дар Мусобиқаи 48-уми байналмилалии «King’s Cup 2022» соҳиби ҷом ва медали тилло шуд
«KING’S CUP 2022». Имрӯз мунтахабҳои Тоҷикистон ва Малайзия дар финали мусобиқа рақобат мекунанд
Тоҷикистон дар даври ниҳоии мусобиқаи «King’s Cup 2022» бо дастаи мунтахаби Малайзия бозӣ мекунад
Дар Душанбе Фестивали «Рушди бозиҳои миллии варзишӣ — омили муҳими шинохти миллат» баргузор мешавад
Тоҷикистон баъди ғалаба бар дастаи мунтахаби Тринидад ва Тобаго ба финали мусобиқаи «King’s Cup 2022» роҳ ёфт
ФУТБОЛ. Дастаи мунтахаби Тоҷикистон бо Тринидад ва Тобаго дар Мусобиқаи байналмилалии «King’s Cup 2022» бозӣ мекунад
Варзишгарони тоҷик дар Чемпионати кушоди Осиёи Марказӣ оид ба варзиши сабук дар Узбекистон иштирок мекунанд
Варзишгари тоҷик Нурулло Алиев пас аз пирӯзӣ бар ҳарифаш ба UFC роҳхат ёфт