ЧЕМПИОНАТИ CAFA-2022. Тоҷикистон пас аз ду пирӯзӣ бо шаш имтиёз дар зинаи аввал аст
ДУШАНБЕ, 09.08.2022 /АМИТ «Ховар»/. Дастаи мунтахаби ҷавонони то 19-солаи Тоҷикистон оид ба футбол дар доираи Чемпионати Ассотсиатсияи футболи Осиёи Марказӣ (CAFA) дидори дуюми худро бо дастаи мунтахаби ҷавонони то 19-солаи Қирғизистон бо пирӯзӣ — 3:1 анҷом дод, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Бозии мазкур дар Варзишгоҳи марказии шаҳри Душанбе бо иштироки мухлисон ва ҳаводорони футболи тоҷик дар сатҳи баланд баргузор гардид. Дастаи мунтахаби ҷавонони Тоҷикистон дар чемпионати мазкур ҳоло ягона дастае мебошад, ки дар ду вохӯрӣ ду ғалаба ба даст оварда, бо шаш имтиёз дар зинаи аввал қарор дорад. Аз ин пеш дастаи мунтахаби ҷавонони то 19- солаи Тоҷикистон вохӯрии якуми худро ба муқобили дастаи мунтахаби ҷавонони то 19-солаи Афғонистон бо ғалаба (4:1) анҷом дода буд.
Дастаи мунтахаби ҷавонони Қирғизистон аз 3 бозӣ 4 хол дорад. Онҳо дар дидори аввали худ бо дастаи мунтахаби ҷавонони Афғонистон бо ҳисоби 1:0 пирӯз шуда, бо дастаи мунтахаби ҷавонони Узбекистон мусовӣ (0:0) бозӣ намуданд.
Дастаи мунтахаби ҷавонони то 19-солаи Эрон аз ду бозӣ 4 хол ба даст овард. Дастаи мунтахаби ҷавонони Эрон рақобати аввали худро бо дастаи мунтахаби ҷавонони Узбекистон бо ҳисоби мусовии 2:2 анҷом дода, дар дидори дуюм ба дарвозаи дастаи мунтахаби ҷавонони Афғонистон 4 голи беҷавоб зад.
Дастаи мунтахаби ҷавонони Узбекистон ду бозии худро бо дастаҳои мунтахаби ҷавонони Эрон (2:2) ва Қирғизистон (0:0) мусовӣ анҷом дода, бо 2 хол дар зинаи охири ҷадвал қарор дорад.
Ёдовар мешавем, ки аз ин пеш дастаи мунтахаби ҷавонони то 19-солаи Тоҷикистон оид ба футбол дар бозии якум дар Чемпионати Ассотсиатсияи футболи Осиёи Марказӣ бо роҳбарии Аҳлиддин Турдиев бар дастаи мунтахаби ҷавонони Афғонистон бо ҳисоби 4:1 пирӯзии калон ба даст оварда буд.
Акс: ФФТ
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
