ЧЕМПИОНАТИ ОСИЁ ОИД БА ГӮШТИНИ ДЗЮДО. Варзишгарони тоҷик Шодмон Ризоев ва Сомон Маҳмадбеков медалҳои нуқра ва биринҷӣ ба даст оварданд
ДУШАНБЕ, 06.08.2022 /АМИТ «Ховар»/. Дар рӯзи дуюми Чемпионати Осиё оид ба гӯштини дзюдо миёни калонсолон дар шаҳри Нур-Султони Қазоқистон паҳлавонони тоҷик Шодмон Ризоев ва Сомон Маҳмадбеков дар вазни -81 кг мутаносибан медалҳои нуқра ва биринҷӣ ба даст оварданд, хабар медиҳад АМИТ «Ховар».
Шодмон Ризоев дар даври финалии мусобиқа бо паҳлавони ҷопонӣ Такеши Сасаки рақобат карда, бо имтиёзи иппон мағлуб шуд ва соҳиби медали нуқра гардид.
Дар роҳ ба ба даври финалӣ Шодмон Ризоев Чуанг Шанг Чин аз Тайпеи Чин, Владамир Золоев ва Асад Масабиров аз Қирғизистонро мағлуб кард.
Варзишгари дигари тоҷик Сомон Маҳмадбеков барои ба даст овардани медали биринҷӣ дзюдочии қирғиз Асад Масабировро шикаст дод.
Ӯ то ба расидан ба ин марҳила дар даври 1/8 финалӣ бар паҳлавони узбек Рамазон Аллабердиев дастболо шуда, дар даври 1/4 финалӣ аз дзюдочии ҷопонӣ Такеши Сасаки ноком гардид ва ба даври тасаллобахш роҳ ёфт. Сомон Маҳмадбеков дар даври тасаллобахш бар варзишгари Муғулистон Эрденбайар Батзайаро бо имтиёзи иппон пирӯз шуда, барои ба даст овардани медали биринҷӣ бо дзюдочии қирғиз Асад Масабиров рӯи татамӣ қувваозмоӣ карда, ғолиб омад.
Бояд тазаккур дод, ки нахустин қувваозмоии Сомон Маҳмадбеков зери вазни -81 кг аст. Аз ин пештар ӯ зери вазни -73 кг ҳунарнамоӣ мекард.
Паҳлавони дигари тоҷик Беҳрӯз Хоҷазода мутаассифона медал ба даст оварда натавонист ва миёни 16 дзюдочии вазни -73 кг ҷойи 5-умро ишғол кард.
Ёдовар мешавем, ки дар рӯзи аввали рақобатҳо Шаҳбоз Саидаброров мағлуб ва Муҳаммад Маҳмадизода бинобар доштани вазни изофӣ иштирок карда натавонист.
Маврид ба зикр аст, ки Тоҷикистонро дар Чемпионати Осиё оид ба гӯштини дзюдо дар шаҳри Нур-Султони Қазоқистон нуҳ нафар паҳлавонон намояндагӣ мекунанд.
Дар Чемпионат 182 нафар варзишгарон аз 19 кишвари Осиё иштирок доранд.
АКС: «ТВ Варзиш»
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
