Дабири кулли СММ башариятро аз афзоиши хатари яроқи ҳастаӣ ҳушдор дод
ДУШАНБЕ, 08.08.2022 /АМИТ «Ховар»/. Ҳоло дар ҷаҳон хавфи истифода бурдани силоҳи ҳастаӣ торафт тезу тундтар мегардад. Дар ин бора рӯзи шанбеи 6 август Дабири кулли Созмони Милали Муттаҳид Антониу Гутерриш (ДАР АКС) дар суханронӣ бахшида ба солгарди 77-уми бомбаборонкунии атомии шаҳри Хиросима аз ҷониби неруҳои амрикоӣ иброз дошт, хабар медиҳад АМИТ «Ховар» бо истинод ба дафтари матбуоти созмони умумиҷаҳонӣ.
«Инсоният бо силоҳи оташфишон бозӣ мекунад», — зикр кард котиби генералӣ. Ба гуфтаи Гутерриш, дар айни замон «паҳншавии босуръати буҳрон бо тобишҳои таҳдидкунандаи ҳастаӣ вуҷуд дорад». Вай аз вазъияти Шарқи Наздик, нимҷазираи Корея ва атрофи Украина ёдовар шуд. Дабири кулл аз ин пеш дар Ню-Йорк дар конфронси бознигарии Шартномаи паҳн накардани силоҳи ҳастаӣ изҳори нигаронӣ карда буд. Вай инчунин иброз дошт, ки оё инсоният аз бомбаборонкунии Хиросима ибрат гирифта бошад?
ДАР АКС: Дабири кулли СММ Антониу Гутерриш дар Хиросима
Субҳи рӯзи шанбе сокинони Хиросима, ки ҳамлаи ҳастаиро аз сар гузаронидаанд ва пайвандони онҳо дар Боғи ёдбуди сулҳи Хиросима ҷамъ омаданд, то ба поси хотири гузаштагон гул гузоранд. Соати 08:15 як лаҳза хомӯш истоданд.
Ҳавопаймоҳои неруҳои ҳавоии ИМА 6 ва 9 августи соли 1945 дар марҳилаи ниҳоии Ҷанги дуюми ҷаҳон ба шаҳрҳои Хиросима ва Нагасаки дар ғарби Ҷопон бомбаҳои атомии «Малыш» ва «Толстяк» партофтанд. Дар натиҷаи бомбаборони Хиросима ва бемории радиатсионӣ тақрибан 140 ҳазор нафар, дар Нагасаки тақрибан 74 ҳазор нафар кушта шуданд.
Акс: СММ
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
