Дар Душанбе ҷаласаи Кумитаи иҷроияи ФФТ доир шуд
ДУШАНБЕ, 27.08.2022 /АМИТ «Ховар»/. 26 август дар Душанбе ҷаласаи Кумитаи иҷроияи Федератсияи футболи Тоҷикистон баргузор гардид. Рӯзномаи Кумитаи иҷроияи ФФТ аз панҷ банди асосӣ иборат буд. Дар ин бора АМИТ «Ховар» бо истинод ба ФФТ хабар медиҳад.
Дар оғози ҷаласаи Кумитаи иҷроияи ФФТ санаи баргузории Конгресси навбатӣ, ки 9-уми декабри соли равон баргузор мешавад, тасдиқ шуд.
Сипас сармураббии тими миллии Тоҷикистон, мутахассиси хорватӣ Петр Сегрт оид ба омодагӣ ва баромади даста дар марҳилаи интихобии Ҷоми Осиё-2023 гузориши муфассал дод. Мунтахаби Тоҷикистон барои нахустин бор дар таърихи худ тавонист ба қисмати ниҳоии Ҷоми Осиё роҳ ёбад. Дар умум фаъолияти Сегрт ба ҳайси сармураббии яккачини миллии мамлакат қаноатбахш дониста шуд.
Баъдан ҳисоботи роҳбари Шӯро оид ба иҷрои нақшаи стратегии рушди футбол дар Тоҷикистон «Орзу-2026» Анваршо Мирзоев шунида шуд. Мирзоев дар баромади худ аз баромади дастаҳои ҷавонону наврасони Тоҷикистон дар солҳои охир, мушкилоти асосии дастаҳо, инчунин кор дар футболи наврасони кишвар ибрози назар кард.
Ҳамзамон аъзои Кумитаи иҷроияи Федератсияи футболи Тоҷикистон натиҷаҳои аудити фаъолияти молиявии ФФТ барои соли 2021-ро тасдиқ карданд.
Абдураҳим Бобоев, муовини сардори шуъбаи иншоотҳои варзишии ФФТ ба аъзои Кумитаи иҷроияи ФФТ оид ба рафти сохтмони маркази техникии Федератсияи футболи Тоҷикистон барои дастаҳои мунтахаби кишвар дар ноҳияи Варзоб маълумот дод.
Дар анҷоми ҷаласа аъзои Кумитаи иҷроияи ФФТ мушкилоти мубрами футболро дар кишвар баррасӣ карданд.
Акс: ФФТ
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
