Дар нахустин Чемпионати минтақавии Осиёи Марказӣ оид ба бадминтон ҳайати дастаи мунтахаби Тоҷикистонро 12 нафар намояндагӣ мекунанд
ДУШАНБЕ, 09.08.2022 /АМИТ «Ховар»/. Тавре қаблан хабар додем, аз 11 то 15 август нахустин бор дар шаҳри Душанбе Чемпионати минтақавии Осиёи Марказӣ оид ба бадминтон баргузор мешавад. Дар ин бора ба хабарнигори АМИТ «Ховар» дар Федератсияи бадминтони Тоҷикистон иттилоъ доданд.
Ҳайати дастаи мунтахаби Тоҷикистонро дар ин мусобиқа 6 писар ва 6 духтар, дар маҷмӯъ 12 нафар намояндагӣ мекунанд.
Мавриди зикр аст, ки бадминтон яке аз бозиҳои қадимии ҷаҳон ба ҳисоб рафта, намуди варзиши олимпӣ мебошад. Дар бадминтон ду бозингар ё ду даста иборат аз ду нафар бо ҳам рақобат мекунанд. Мутахассисони соҳаи варзиш бадминтонро ба гурӯҳи варзиши неруталаб шомил карда, дар он ҳушёрӣ ва зеҳни хуб доштани варзишгарро ба назар мегиранд.
Баҳри муваффақона баргузор намудани ин мусобиқа барои доварони риштаи бадминтон машғулияти омӯзишӣ баргузор шуда, мутахассисони Федератсияи бадминтон низ ҷиҳати такмили ихтисос ва касби таҷриба ба кишвари Малайзия сафар кардаанд.
Аввалин Чемпионати Осиёи Марказӣ оид ба бадминтон дар Душанбе миёни ҷавонони аз 15 то 17-сола доир мешавад.
Дар мусобиқа бадминтонбозони беҳтарин аз давлатҳои Тоҷикистон, Узбекистон, Қирғизистон, Қазоқистон, Муғулистон ва Эрон ширкат меварзанд.
Ёдовар мешавем, ки макони баргузории мусобиқаи мазкур «Қасри теннис ва маҷмааи варзиши обӣ»-и шаҳри Душанбе мебошад.
АКС аз манбаъҳои боз
Хабарҳои дигари ин бахш
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
