ФУТБОЛ. Ҳамаи иштирокчиёни марҳилаи гурӯҳии Лигаи Чемпионҳо маълум шуданд

ДУШАНБЕ, 25.08.2022 /АМИТ «Ховар»/. Ҳамаи дастаҳое, ки дар марҳилаи гурӯҳии Лигаи Чемпионҳои Ассотсиатсияи футболи Аврупо (УЕФА) дар мавсими 2022-2023 бозӣ хоҳанд кард, маълум шуданд. «Динамо»-и Загреб, «Копенгаген» ва «Рейнджерс» аз ҳама охир ба марҳилаи гурӯҳии мусобиқа роҳ ёфта, дар сабади чорум қарор гирифтанд.

Ҳамин тариқ, дар Лигаи Чемпионҳо аз рӯи натиҷаҳои бозиҳои ҷавобии даври интихобӣ ҳайати пурраи иштирокчиёни марҳилаи гурӯҳии мусобиқа ташкил карда шуд.

Дар қуръакашии марҳилаи гурӯҳии Лигаи Чемпионҳо дастаҳои зерин иштирок мекунанд:

Сабади 1: «Реал Мадрид», «Айнтрахт», «Манчестер Сити», «Милан», «Бавария», «ПСЖ», «Порту», «Аякс;

Сабади 2: «Ливерпул», «Челси», «Барселона», «Ювентус», «Атлетико», «Севиля», «РБ Лейпсиг», «Тоттенхэм»;.

Сабади 3: «Боруссия» (Дортмунд), «Залсбург», «Шахтёр», «Интер», «Наполи», «Бенфика», «Спортинг», «Байер».

Сабади 4: «Копенгаген», «Марсел», «Брюгге», «Селтик», «Виктория Плзен», «Маккаби» (Хайфа), «Рейнджерс», «Динамо» Загреб.

Тавре маълум аст, дастаҳои Русия аз ширкат дар ин мусобиқа маҳрум шудаанд.

Имрӯз, 25 август қуръакашии марҳилаи гурӯҳии Лигаи Чемпионҳо баргузор мегардад.

ДАР АКС: «Динамо»-и Загреб дар вохӯрии охирини даври интихобӣ дар вақти иловагӣ дастаи «Бодо-Глимт»-и Норвегияро мағлуб кард. Акс: ТАСС